حاسة اني أم فاشلة.....................

والله موعارفة من وين ابدا بس اذا ما بحكي بنفجر ....انا نفسيتي صارت زي الزفت يا بنات مو قادرة اسيطر عالوضع خلص حاسة اني ضعيفة كتييييييييييير.
بناتي جنننننننننننننننننننننننننوني من اول ما تزوجت حملت بتوأم ما شاء الله واول ما عرفت اسبوع وانا ابكي لاني حسيت اني مش قد هالحمل ومش حعرف اتصرف معاهم وطلع هالشي مزبوط..الحمل تعبلي جسمي والولادة صعبة كتير وبالتامن وكل الوقت ادوية ومثبتات ونومة عالظهر وما في وقت لزوجي وبيتي وعند امي اغلب الوقت.وبعد الولادة تعب وفشل في اني ارضع من تعبي للاسف استسلمت وما كنت الحق على بكاهم وطبعا رحت عند امي وبعد شهر ونص توفى والدي ......................والله يا بنات ما قدرت ابكي عليه بسبب بناتي خفت اضعف وهما بحاجتي والكل مشغول عنهم طبعا نفسيتي صارت زفت اكتر..زوجي تحملني كتير بالحمل وبعدها وصبر ولساته صابر بس كل ما كبروا عم يتعبوني اكتر .صحتهم الحمد لله شو بدي احكي لا اكل زي الناس والحليب رفضوه من اربع شهور ..عمرهم هلا 7 شهور ونصف مو قادرة عليهم نفسي اشوفهم زي باقي الصغار بياخدو حليبهم وبياكلو عادي طول نهاري الحق فيهم واذا ما بدهم بيستفرغولي كل شي..نفسي اجرب معاهم شي جديد ومو قادرة مو متقبلين شي صرت اعد الايام متى بيكبروا ويصيروا متل العالم والناس حاسه هالشي حلم والله الكل تعليقاته دبحتني اعملي هيك وسوي هيك اللي بعمر بناتك خلص بياكل كل شي وليش لسه بتهرسي الاكل هيك عمرهم ما بيتقبلواا الاكل بدون هرس ومن هالتعليقات ليل نهار بفكر اني انا غلط وطريقتي غلط ونفسيتي غلط احيانا بفكر افتح الباب وما ارجع حتى اني مبارح ضربت بنتي بعد ما استفرغت علي وزعلانه من حالي بس ما ضل فيي اعصاب مضغوطة ومش قادرة اتحمل,وزوجي زهق من هالوضع حتى انا زهقت ومحسسني اني مقصرة وانا فعلا مقصرة لاني مو ملحقة على شي...