حاسة بتأنيب ضمير .. و ابغى ارتاح .. ساعدوني

السلام عليكم

كيف حالكم جميعا ؟؟؟

خواتي انا انسانه عباره عن مجموعه من العقد النفسيه المتراكمه .. لانني انظلمت كثييرا في حياتي .. و مررت بظروف قاسيه ...

المهم مرت اخوي ليست من الناس يلي ظلموني بس كانت تقولي كلام جارح في بعض الاحيان .. لاجل ذلك كرهتها .. و حطيت عليها اكس و قطعت علاقتي معها .. ما اشوفها غير في المناسبات ... و صرت اغتابها كثيير .... المهم امي قالت لي من زماان البنت تغيرت كثيير و صارت طيبه و حبوبه ... قلت لها لا انا مصره على موقفي ...

المهم اليوم حسيت انو حد عطاني كف ووعاني و قلي يكفي غيبه على مرت اخوكي .. يكفي آثام و ذنوب .. و انا مررره مكتئبه و متضايقه ..

و يلي خلاني انتبه . انو حياتها ميسره ما شاء الله تبارك الله ... و انا حياتي معسره و لله الحمد . و لكنها ليست معسره كثيرا .. الحمد لله ربي رزقني برجل طيب عوضني عن ظروفي القاسيه .. و ما زلت ادرس في الجامعه .. بس لحد الحيين ما انجبت .. و احس بانه فيه تعسير نوعا ما في حياتي . فقعدت بيني و بين نفسي افكر . انا اييش سويت ؟؟؟ . ووجدت اني غلطانه و انا الشريره مو هي .. و غلطت في حقها كثييرا .. . و مرره مانبني ضميري ....

و الحييييين قاعده اكلمها شوي شوي و احاول ارجع علاقتي معاها زي زماان .. لانو في الاول كنا صحبات بس مدري اييش يلي صار و خلا العلاقه تخرب و صارت تقولي كلام جارح .. الين ما تولد عندي حقد اتجاهها و من ثم الغيبه .. صرت اغتابها كثيير ....

المهم مو عارفه كيييف اكفر عن الذنب ... هي الحيين تخرجت ففكرت اجيب لها هديه غاليه ... و اقدمها لها و اقولها الف مبررروك النجاح و انتي تستاهلي كل خير ...

ساعدوني بنات الله يخليكم ابغى ارتاح ضميريا . حاسه بتانيب ضمير مو طبيعي .. و اليوم بس ابكي ... و حاسه بخنقه ... :icon33::icon33:

و نصيحه مني لكم يا خواتي .. لا تغتابوا احدا ابدا .. و حتى لو كان هذا الشخص مو كويس .. لا تغتابوووه ابدا .. ابتعدوا عن دائرة الغيبه و النميمه .. لانه في الاخير ما حد راح يخسر غير يلي يغتاب ... و راح تحسوا بتانيب ضميير مو طبيعي ..


و اذا كنتوا جالسين في مجلس فيه غيبه ... حاولوا تدافعوا عن الشخص يلي قاعدين يتكلموا فيه .. او حاولوا تنصحوهم ان يتوقفوا عن التحدث عنه .. لانه حرام .. و اذا ما نفع الموضوع انسحبوا من المجلس بهدوء .. عشان ما يلعب في مخك الشيطان و تجدين نفسك تغتابين معهم و تكسبي الآثام ..

بقولكم قصه من اقاربي ... اموره جدا معسره ... المهم امه دخلت عنده و قالت له .. انت مسوي شي في حياتك ... قال لها الابن انا عارف يا امي لييش اموري معسره و انا استاهل كل يلي قاعد يصير لي .. قالت له امه ليش ؟؟؟ قال الابن .. لاني كنت ما اخلي حدد من شر لساني .. كنت اعلق على الدكاتره في الجامعه و اجرحهم بكلامي . و كنت ما اخلي حد الا و اعلق عليه . و كانت هوايتي التعليق على الناس ... . عشان كذا اموري معسره .. سالته امه : ما تقدر تطلب منهم السماح .. قال لها لا صعب .. قالت له ربي غفور رحيم .. استغفر ربك ليل نهار و تووب اليه و توقف عن هذه العاده السيئه .. ...


و آسفه على الاطاله بس حيبت افضفض و بنفس الوقت اوعيكم و انبهكم عن اشياء احنا غافلين عنها ...