حاسة بذنب وتانيب ضمير فظييييييع .........

السلام عليكم ورحمة الله وبركاته
يا بنات انا حاسة بذنب كبير وتانيب ضمير :44:
زوجي الله يخلي راح عالحج الله يرجعه بالسلامة:arb:
واحنا ما بنبعد عن بعض كتير وبيجوز مرة وحدة قبل كم سنة سافرت اسبوعين عند اهلي
بس زوجي صارله 12 يوم مسافر تقريبا والمصيبة اني ما اشتاقتله بالمرة ولا استفقدته ولا حاسة انه مش عندي .....:icon33:
يعني ماخدة راحتي عالاخر بالنوم والشغل بالبيت وما بطبخ لاني بعمل ريجيم وحتى صرت انام بدري ولا حاسة انه مكانه فاضي ........ مش عارفة ليش هيك ...... صح بتصير بيننا مشاكل ومرات مشاكل كبيرة بس انتهت من زمان وهلا علاقتنا احسن من اول كتير
حتى ما كان جعبالي اروح عالمطار وبديت اتحجج بالاولاد انهم بيغلبوا بالمطار بس هو اصر انه يشوفنا لاخر دقيقة ورحنا عالمطار والله انه كان متاثر وحكالي لا تبكي بس انا كنت عااااااااادي :( مش عارفة ليش وما تاثرت ابدا لا اول ليلة ولا تاني ليلة ولا هلا
ودايما هو اللي برنلي مشان يذكرني احكي معاه وصح بحكيله انا بحبك ومن هالكلام بس والله حاسة انه طالع من ورا قلبي :44:
مش قادرة افسر ليش ...... مع انه والله مش كابس على نفسي واحنا من بداية زواجنا من خمس سنين وهو معطيني حرية عالاخر يعني بطلع مشاويري وعند صاحباتي وبيجوا عندي وما في اي مشكلة
لسا ضايل كمان اسبوعين ومبارح بحكي بعقلي يا ريت لو يغيب اكتر او كل 6 شهور يغيب شهر بعدين حسيت بتانيب ضمير فظيع :30:
مش قادرة افسر احساسي وشو سببه وخايفة اني اتمنى انه دايما يسافر بس انا بحبه وكنت اتمنى قربه بس كان جنبي وافرح لما يكون مبسوط مني وراضي علي
شو رايكم انتوا .......
والله حاسة بتانيب ضمير :44: