حاسديني علي ها لزوج الله يعطي كل وحده مثله عشان تعرف

السلام عليكم
اعتبروها فضفضه ولا الي تبوه
زوجي إنسان بوجهين مع الناس حبيب وطيب وحق فزعات وأنه الرجال الحنون الي مافيه مثله
خاصه قدام أهلي مسوي فيها مافي مثله
زوجي لي منه ولد ب أولى ابتدائي ويعاني من مشاكل بالإنجاب  ومايبي يتعالج حق حريم ولإيصلي ولا ركعه بالمسجد يجمع الصلوات مهمل للقران وذكر ربي 
قدام الناس يسوي انه يصلي وهو كذاب 
كذاب ل ابعد درجه مايعتمد عليه بشيء  وعقليته علي قده 
الحسنة الي فيه مايقصر ببيته بس غيرها ولاشي 
اليوم كملها ولدي جالس يصيح وجلست إهاوش لاتجلس  تصيح. وقمت اعصب علي زوجي أقوله ملابسك مرميه أوراقك كل شيء انا أشيله ارفع أغراضك وأهله جوني زياره وراحوا المهم ورجعت علي ولدي قال لاتهاوشي الولد قام ضربني الين م أغمي علي لأنو حالات الأغماء دائم تجيني 
يوم صحيت هو يتفل علي وولده الي هًو ولدي يضربني برجله قمت وصحصحت شوي يقول انا كم مرا أقول لاتلعني أبوي !وقام تفل بوجهي  وطردني من الغرفة وقالي الله يلعن أهلك 
وانا اقسم بالله مالعنت احد ولاجبت طارئ أهله 
أخذت قشي وينام بغرفه ثانيه 
موب مخليني مغبونه الا ولدي انا صابره عشانه وكذا يسوي ؟
انا متحمله أبوه عشانه وهو يسوي كذا ؟
أهلي مكذبيني دائم ولا عمرهم صدقوني
ولو أكلم مين يقولوا حرام عليك معنا كذا وأنتي كذا وماتبيه ومن هالكلام ؟
أصلن مرا قلت بتطلق كانوا بيذبحوني 
زوجي قدام الناس يسوي شيء ومعاي عقليه بزر 
ويحب الخلق يمدحونه 
لو وحده مكاني وش بتسوي؟
وهالمًوقف وش أسوي فيه 
مغبونه مقهوره
رديت وجلست أسب بس اخذ ولدي وناموا بغرفه النوم وطردوني 
انا قويه شخصيه بس ولدي ضحيت عشانه بالأخير مع أبوه والكارثه الناس يقولوا ي حظي بزوجي علي شنو بالله