حساسه جزاك الله خير
حسيت اني ماني لوحدي والله اني بعد ماكتبت ارتحت مره مره واحس نفسيتي احسن

أختي اتوقع هذي المشكلة تربت معاج من الصغر
أنج ماتعبرين أو أنه قناعاتج تمنعج، لكن شوفي
إحنا في المنتدى مخفيين عنج ,, أكتبي وابدأي
من أبسط مشاكلج لازم تتعودين على التعبير
بتواجهين صعوبة في البداية لكن مع الوقت
بترتاحين.

أنا قلتلج قبل ما أقدر أقول أي شي أكتم في خاطري
وأخاف أغث حد بمشاكلي .. تعالي شوفيني اللحين
لو الخدامه استفزتني بشي بسيط أتصل على اختي
وأفرغ!! أكلم صديقتي وأعبر!! مرتاحه!! مايهمني
شو بيفكرون وشو بيحسون لأننا وجدنا في هالدنيا
لبعض مثل ما أعطي لازم آخذ.

اختي الغاليه
صدقيني انه ما في احد بهالدنيا مرتاح ميه بالميه بس الحمد لله انه الواحد يلجأ لله
في كل محنه يمر فيها وان الله عند حسن ظن عبده به فيا عزيزتي اذا حاسه انك مو قادره
تتحملي مشاكلك وهمومك ليس لعيب فيكي ( لا سمح الله ) بل لانها طبيعية الانسان اجتماعي
بطبعه ويحب يفضفض بهمومه لغيره حتى لوانه عارف انو الغير ما يقدر يحل مشاكله بس
مجرد خروج المشكله من قلب صاحبها تحسسه بالراحه والدعم من قبل الاطراف المستمعين
فضفضي لمن تريه يسمع لك وانه ثقة لكي ترتاح نفسيتك

عزيزتي مو ضروري تشكين لأحد عن مشاكلك وعلى فكره الناس اللي تتصل تشكي أو تطلب المشوره اغلبهم ما أقول كلهم ناس تحب تتكلم أكثر من أن تسمع وغالبا ما يكونون من النوعيه اللي ماتحس بحزن او ضيق الغير لا همها نفسها .. لذلك إذا ما عندك أخت أو أخ قريب منك عاطفيا اقصد اكتبي كل همومك في ورقه وإذا انتهيتي منها مزقيها أو احرقيها والأفضل انك تكتبين لشخص اللي زعلك ما دمت تشعرين أن صمتك ثقيل على نفسك ابتدئي فالخطوه ألأوله أصعب الخطوات .. وحاك الله اى وقت ..من القلب الله يوفقك

الصراحه فرحة لج يا بنت آدم وحواء يوم قرأت أن نفسيتج تحسنت.
تعرفين أنا يوم أحس أني متضايقه وأن زوجي بدأ يمل من نكديتي شو أسوي؟؟؟
أدور في التلفزيون على فيلم يضحك ولا أحط في الفيديو مسرحية(العيال كبرت) والله لو أشوفها ألف مره ماأمل منها وأيلس أضحك وأضحك وأضحك حتى أحس أن زوجي بدا يفرفش معاي.
اللي أبغي أقوله أن حاولي تغيرين في طريقة تعاملج مع زوجك.(لا تنسين زوجج جنتك أو نارك).
اتصدقين يوم أكون متضايقه صعب أخفي ملامح وجهي.الكل يعرف إني متضايقه من ملامح وجهي.لدرجه إني أنعزل عن الناس وما بغي حد يكلمني. لكن تعلمت استراتيجيه جديده وهي ......................................
الضحك
حتى إذا التلفزيون مافيه فيلم يضحك أدور في النت على مسجات أتضحك وأيلس أضحك وأخبر زوجي عنها........
حبيبتي
لا تنفرين زوجج منج. لا تكرهينه في البيت. خليه يتشوق لرجوعه للبيت لأن في زوجه حنونه ضحوكه دمها خفيف تشيل عنه هموم يومه.
والشي ثاني حبي نفسج
لا تسمحين لزوجج أن يزعلج. وإذا تجرأ وزعلج حاولي تبينين له إنج زعلانه
كيييييييييييييييييييييييييييف؟؟؟ مو بالكلام(لأنج ما تحبين تتكلمين) بالفعل كيف؟؟؟؟؟؟؟؟
مثلا
سكري باب الحجره بعصبيه
حسسيه انج غضبانه (بس لا تزودينها) زعل على الخفيف
تعرفين شو مشكلة زوجج؟؟أنه مب عارف متى تكونين زعلانه ومتى تكونين رضيانه الحاله عنده ما تفرق بيقول في خاطره (إهي دايما على نفس الحال )
اقتلي الملل في حياتج الزوجيه وهذي مسؤليتج بالدرجه الأولى وانشاء الله راح تلتمسين الفرق وتبدل مشاعر زوجج للأحسن. وأكيد انه راح يتبدل وراح يسمع لج من دون ما يسخر من مشاعرج.
ربي يسر عليج أمورج . وطمنينا عليج يالغاليه