هي كذا الدنيا 2 @hy_ktha_aldnya_2
عضوة جديدة
حاسه اني اختنق
مساء الخير اخواتي.. ترددت كثير قبل كتابتي لمشكلتي هنا.. جايز لاني ماتعودت افضفض.. كله كاتمه ف قلبي... ماعندي غيركم لا اخوات ولا ام. الحمدلله على كل حال. تزوجت قبل 3 سنوات، وطبعا كنت متوقعه الصفات المشتركه في الرجال تكون موجودة زوجي زي العصبية و النفسيات و افضع من هالصفات وكوني بلا ام حاولت نفسيا اكون جاهزه لهالامور.. الصدمه هي كالتالي: انا انسانه لحالي ماحب المساكل قليلة الكلام وقدر المستطاع احاول اطنش اللي اشوفه من حركات و اساليب وكلمات جارحه ممكن تتطلع منه و ياما غصبت حالي و انذليت و تعذرت له لمشاكل مو انا سببها.. اتنازل بس عشان حياتنا تمشي.. بس تعبت.. والله تعبت.. اخر مشكله ماتتصورن سخافتها.. كان يكلمني في حاجه وجا ولدي عمره 3 سنوات يقول لي ماما وشوفي و يسحبلي ايدي انا تشتت انتباهي شوي بعدها رجعت قلت له اوكي معاك الا احصله مبوز و العفاريت تتنطط حوليه واناديه مسوي حاله مايسمعني. بعدها قال لي اذا ماتبي تسمعي ليه تسالي من الاساس، قلت له يارجال اسمعك بس ولدك بغا حاجه وانتبهت له شوي. هالحين صار كل يوم يسوي مثلي اذا كلمته مايرد و اذا ناديته يسوي حاله مو سامع يا منتبه لولده او عينه عالجوال. ياخواتي زوجي انسان نكدي سلبي انتقادي درجه اولى انا بسببه تغيرت.. صار سكلي من الهموم زي اللي عمرها 50 سنه، لا اضحك ولا افرفش ولا البس وبشرتي تعبانه، شعري يتساقط.. كرهت الدنيا وماعندي اهل يكلمونه او يوقفونه عن حده... فكرت اطلب الطلاق خلاص ماعندي صبري كل يوم مشاكل و نفسيات و صراخ و كلام جارح.. ببساطه تعبت
1
391
يلزم عليك تسجيل الدخول أولًا لكتابة تعليق.
الصفحة الأخيرة
اختي المشكلة ماهي فيك بزوجك الله يصلحه , ووعلمي ولدك مايقاطعكم بالكلام وانه ينتظر يكلمك من الأداب لاخلصتوا كلام يجي يتكلم وبها الشكل خلاص حلت مشكلة ولدك .
بشرتك , اعتني فيها , وبشعرك روحي لطبيبة جلدية .
الحين المشروبات اللي تساعدك تنور بشرتك , شمندر وعصير برتقال اشربيه مع العشاء , الصباح على الريق حليب وتمر اخلطيهم بالخلاط , والموز جيبي حليب وموز وبشرتك بتنور وتفتح .
كلي سلطة فواكه وخضراوت وقللي املاح وسهر وقهوة وشاي والشاي استبدليه بالشاي الأخضر يوميا يصفي جسمك من السموم , والمكسرات كلي كل يوم حصة معينه وانواع المكسرات كثير
خذيلك اللي يناسبك .
والفواكه مهمة جداا , والحليب شرب لك كاستين او 3 باليوم مهم جدااا .
وجيبي لك ايس كريو وبردي على قلبك وانا اختك , بالنسبة للكل احنا الحريم نتنازل عشان حياتنا تمشي وعشان مانتعرض للطلاق والأزعاج والله يعوضنا بالأحسن .
وشكل زوجك مل من الروتين المتكرر روحي للمشغل , وعدلي شعرك وبشرتك واهتمي اكثر ورزوري طبيبة جلدية وصلحي امورك لا راح الدوام اشتغلي على نفسك ماسكات وحمام زيت
وصبغي شعرك حطي لك مكياج والبسي واستقبلي زوجك لارجع وسوي الأكلة اللي يبقاها وراح يتفاجئ من التغيير ويمكن هو مل من الروتين ويمكن مل انك ماتغييرين بنفسك وماصرتي مثل قبل ؟؟ .
وصارحيه لو فيه شيء زاعجه , او بدر منك ازعاج , غير موضوع ولدك , والله يصلح اموركم