حاسه بتأنيب الضميررر علشان بنتي

عادي مقلي بالنسبه للكوفله انا ولدي كان يرفض ويطلع يده ولا كنت اكوفله دايم ولا جاه شي الحمد لله

زيديها رضعه حليب صناعي بليل عشان تشبع وتنام انا كل عيالي كذا ازيدهم بليل رضعه صناعيه بس وجبت عشاء ..وطبيعي اول طفل ايكون صعب التعامل معه الله يباركلك فيها ويحفظها ...

حبيبتي اولاً الكوفلة مهمه اكثر شيء وقت النوم عشان تقوي اعصاب الطفل ثاني شيء اذا على حليب صدرك تقدري تشتري شفاط ميديلا الكهربائي والله مو خسارة فيه سعره وتشفطي كل ثلاث ساعات كل صدر ١٥دقيقة وتعطيها في الرضاعة بكيذا تأخذ فوائد الرضاعة بما أنها رفضة تلتقم الثدي واذا ماقدرتي تجيبي الشفاط الكهربائي خذي اليدوي سعره ٢٤٠ريال عشان صدرك مايجف اشفطي كل ثلاث ساعات واذا استمرت ترفض الثدي استمري على الشفط الين تكمل ست شهور واذا قدرتي اكثر استمري اكثر

واذا على النوم لما تكمل شهرين ان شاء الله راح تنام ساعات اكثر حاولي تزيدي لها كمية الحليب بدل ماتعطيها ٦٠مل عطيها ٩٠مل عشان معدتها تتوسع وتشبع فترة اطول وهكذا كل شهر زيدي لها كمية الحليب عشان ماتتعبك كل ساعتين تصحى

حبيبتي ليش تأنيب الضمير اذا انتي بذلتي الاسباب ؟
الكوفلة حلوة للطفل علشان تحسسه انه باقي بحضن امه وينام متواصل .. بس لو رفضها وصارت تنكد عليه راح الهدف منها .. خليه ينام على راحته فيه اطفال كثير ما يتكوفلون ولا فيهم الا العافية


الرضاعة الطبيعية جربي كلي طحينية واشربي حليب بحلبه اذا قدرتي ترضعين حلو .. بس اذا ما يطلع شيء لا تضغطين على نفسك وتتعبين نفسيتك


حبيبتي اهم شيء نفسيتك لان الطفل يتأثر بتوترك ... الامومه حلوة وانتي في النفاس متفرغة لنفسك وطفلك فانبسطي واستمتعي .. احضنيه واقري عليه وقربيه منك حسي بانجازك وبفضل الله عليك وبالنعمة بين يدينك .. نامي معه واصحي معه ... كلها كم شهر ويترتب نومه ان شاءالله
واشكري اختك جالسة معك تعاونك الله يجزاها خير ويسخركم لبعض ولا تخلي اي كائن على وجه الارض يحسسك بتأنيب الضمير
انتي الحين ام من فضل ربي هو سبحانه رزقك وان شاءالله قدها ولاراح تقصرين .. طنشي الحكي لان كل الامهات يجيهم تعليقات والناس ما تريح احد حتى الي عيالعم كبار يتكلمون على تربيتهم ودراستهم صلاحهم و.... واذا كبروا تكلموا عن زواجهم ووظايف ووو ... الي يتابع تعليقات الناس بيتعب نفسه
الي عنده تعليق حلو وتوجيه خذي من كلامه الفايدة واتركي الباقي لازم تكون عندك صفاية والي قرقر وانتقاد اسمعي من هنا وطلعي منها


ربي يرزقك بره ♡