حاسه بضيقه.....خففوا عني

السلام عليكم
اشلونكم بنات....والله انا فشلانه منكم لان صار لي فتره ما اكتب بالمنتدى الا المشاكل و الهموم!!! بس سامحوني والله انا ما كتبت لكم الا لاني اعتبركم خواتي في الله وارائكم ارتاح لها حيل....
انا هالايام دايما تعبانه من الحمل مع اني توني بالرابع كل نايمه ومالي خلق شي...الدوام كارهته ومالي خلق احد
بنتي توني مدخلتها الحضانه واحس ان حياتي انقلبت فوق تحت بسبب هالشغله!! يعني ما قمت اطلع من البيت ابد لانها لازم تنام مبجر حق المدرسه وبعد ما انومها يكون تاخر الوقت وما اقدر اطلع فاكون طول الاسبوع بالبيت ما اشوف احد ولا احد يشوفني حتى اهلي خايفين علي ويقولون اشفيها قاطعتنا؟؟
خدامتي منقلبه علي وتبي تروح المكتب مع ان محد سوى لها شي وهي تعترف وتقول انتوا واجد زينين بس انا ابي اروح بيت ثاني!!!
زوجي دايما لاهي الله يعينه من دوام لي مكتب لي دوانيه والمسؤوليه كلها على راسي!!!!
انا والله محتاره وتعبانه واحس الدنيا صاكه علي ساعدوني الله يساعدكم وجزاكم الله خير