حاسه بطني بينفجر بعد اشعة الرحم

بنات انا سويت اليوم اشعة الرحم
انا من امس اخذت انتيبيوتكس
واليوم تحميله ضد الوجع قبل الفحص بساعه
رحت هناك وانا برتجف من الخوف مع اني ما اخاف هذه الاشياء بس وربي بعد ما قريت هني اشياء صرت اخاف كثير
انا وصت الدكتور كان لطيف وشرح لي وطلب مني اطلع على السرير.. وطبعا تعرفون مثل فحص الطبيب يللي اكره موووووووت ويحط سبيكلوم وانا تجمد وتقلص ولا تسالوا المهم حط البالون ونادى على دكتور الاشعه وهووووووووب البالون طلع وانفجر ما داريه ويش صار هم ما خبروني انه في دتور اشعه بس قال نادوه انا اتخرعت قلت ويش فيني طمنوني
والممرضه انحاست مثلي وخافت

واعادة المحاوله مره ثانيه واكرررررررررره السبيكلوم مووووووت
والمره البالون بقي وقال لي الطبيب اصعدي شوي فوق وانا بحاول الصعود ومتجمده واذا بصرخات وحده في الغرفه يللي على جنبي اغمى عليها

ولا واحد تم عندي انا صرخت وقلت لهم دوري بيغمى علي اذا ما حد يرد الحين
رجعت الممرضه ولا كلمتني وانا البالون فيني وارتجف
بعد 3 دقائق رجعوا الدكتور ودكتور الاشعه
وحطوا الماده وانا ما حساه بشي ولا وجع غير وجع يللي من الدكتور في البدايه

وحملت حالي وطلعت انتظرت برا 20 دقيقه لين الرد
بس والله في عالم اخر من الرعب والخوف
بعد جت السكريتيره وصرخت اسمي واخذت فحصي ولا شرح ولا بطيخ اصفر

المهم خذت الفحص وقريته ولقيت الحمدلله كل شي زين
بس كان مكتوب شي وانا الصدق ما اعرف اذا زين او ما زين: القنوات دقيقه وناعمه ومفتوحه على البطن ( ادري لازم يكونوا مفتوحين بس سؤالي هل هن بيكونوا ناعمين ودقيقين او هذه مشكله عندي......يا سرعتنا واحنا بنخلق المشاكل اعرف)
ادري انا اترجم يللي مكتوب ويمكن عادة ما يكتبوا كذي بالعربي, لان ولا واحد غيري كان يتكلم عربي وكل الطاقم كان اجنبي منحوسسس
رديت البيت واخذت كمان مسكن وحاولت انام بس ولا نافع....زز بعدين جيت الجامعه وبطني احسه بينفجر
يمكن خوف ويمكن ويمكن وما ادري
فيه حد يفيدني ومر يللي مريته
تكفون تدعون لي