حاسه في قلبي نار

السلام عليكم ياحبوبات
بصراحه بانطق من الضيق والقهر موجايني نوم والسبب انا والله المستعان من النوع الي اذا جربت شي وضبط معاي اقوله لغيري على طول مااسكت وفيه مجموعه على طول اطلع وياهم واسولف لهم عن هالاشياء ان سألوني أو جت مناسبه وتحدثنا عن هالمواضيع اللي صار ياطويلات العمر انه وصلني كلام انهم يسبوني من ورى ظهري ويقولون اني امدح في نفسي وشايفه نفسي ويقولون ذبحتنا هذي ماعندها الا هالسوالف رياضه وبشره وشعر كأن مافيه الا هي والي مضايقني اكثر ان فيه وحده كذبتني وجها لوجه وتقول ان الرياضه ماتشد الجسم كثير ولا تشد الصدر مع اني مجربتها واصرت انه مستحيل يصير هالشي وان مافيني ذاك الزود وانه يمكن نوعية السوتيان كويسه وهي اللي رافعه صدري مع العلم ان عندي 4 اطفال وكثير يفكرون ان ماني متزوجه او معي واحد بالكثير فمن باب اني انفع غيري اقول لهم على اللي سويت وسالت الطبيبه هنا في عالم حواءهل الرياضه تشد الجسم فقالت لي انها الحل الوحيد للترهلات علشان اتاكد بس يمكن نوعية جسمي تنفع فيها الرياضه وغيري لا شككتني في نفسي من كثر مااصرت على موقفها وطلعتني كذابه قدام المجموعه لدرجة من القهر قلت لها المسي صدري فقالت لي برضه مو ذاك الشد :35:وتقول لي اني عصبيه وبغيضه ماادري شفيها علي شغاله تجريح ووحده ثانيه نفس الحكايه تناظر في اللي حولها تفكر اني مااسمع وتقول بدأنا هذا هي اشتغلت تمدح في روحها رياضه ورجيم ومادري وشو ونقصت واستخدمت وبصراحه مااتكلم في هالاشياء الا عشان انفع غيري واقول انها نفعتني وامدح فيها عشان يجربونها اذا يبون بدون تخوف لاني انا من النوع اللي اتحمس اذا احد مدح لي شي واجربه على طول واغلب مواضيع الحريم عن هالاشياء هم يتكلمون عنها عادي بدون مشاكل اما اذا شاركتهم الكلام في نفس المواضيع واذكر تجاربي قالوا تمدح في روحها ياناس والله قلبي ابيض وكنت احبهم واشتاق لجمعتهم على الرغم من بعض الكلام الجارح بس الحمد لله مااحمل في قلبي على احد شر او كره واتغاضى عن اشياء كثيره تضايقني ومااحب ازعل غيري مني او اضايقهم ولو يقرون كلامي هذا بيقولون هذا هي قاعده تمدح في نفسها بس انا ذكرت هالشي علشان تعرفون اني مااستاهل اللي يسوونه فيني لكن الله لايسامح كل وحده تذكرني بشتيمه او سوء في غيابي لادنيا ولا آخره وعند الله تجتمع الخصوم