اليوم بسوي معاكم عمل بسيط ينفع للي يحبون ويشجعون تدوير الخامات المستهلكة
الخامة الأساسية عندي اليوم هي علبة بنات البتر
طبعا شفنا طرق كثيرة لتزيين العلب الفاضية وبخامات متنوعة
وكلها حلوة
لكن شغلي مختلف شوي ،أتمنى يعجبكم ومايكون مكرر
الخامات المطلوبة
علبة فاضية (أي علبة -جبن ، بنات بتر،مربى ...الخ
عجينة داز + صمغ الخشب + محور العجين
شوفوا معاي الخطوات
أول خطوة راح احتاج تقريباً الى نصف العجينة فقط
نمحورها ونغطي فيها العلبة من جميع الجهات
ولاتخافين لو ظلت بعض الأجزاء ماجت عليها العجينة ،تقدرين تضيفين عجينة تانية أهم شي انك تحاولين تمزجين العجينة على العلبة ببعضها عشان مايبان عندك الترقيع
ملاحظة (مهم جداً انك تبعدين العجينة عن أي مصدر تهوية أثنا العمل لأنها تنشف وتتشقق بسرعة)
وخلي جنبك كيس تحطين فيه أجزاء العجينة اللي ماتحتاجينها في الحال
وهذي العلبة بعد ماغطيتها بالعجينة
الحين مرحلة التزيين بالاضافة
اشرايكم ، شنو تتوقعون هذا؟؟!!
هاه عرفتوه؟
بالضبط مثل ماتشوفون
ولكم حرية اختيار شكل الأنف والعين والحواجب اللي ممكن تعملوههم ،والعجينة طوع أمركم
أهم شي في الاضافة انك تهتمين بالمادة اللاصقة يعني لازم تحطين صمغ كفاية
لو ماحطيتي كفاية تأكدي ان أي جزء مضاف مثل الأنف أو العين راح تطيح يوم ثاني مع بداية جفاف العجينة
وهنا عملت الفم بأبسط شكل
وهذا الشكل النهائي
تقدرين تلونيها أو تتركينها كذا
احفظي فيها الأقلام أو الفرش ...الخ
الحقيقة كنت راح أعمل لها أذن بس نسيت والعجينة بدت تجف
بالنسبة لمرحلة الجفاف النهائية تاخذ لها من يومين الى ثلاثة بشرط يكون في مكان متهوي
وهالعمل ينفع للمرحلة الابتدائية
ان شاءالله يعجبكم شغلي يا أجمل حواءات
وفي انتظار ردودكم واقتراحاتكم