كيف حالكم؟؟
راح أعرض لكم فكرتي الي نفذتها من كم يوم بعد ماشفت عندي بملفاتي صورة كرت فقلت ليش ما أبتكر منه محفظه بسيطه ممكن تستخدم لعدة أغراض
حياكم ..والطريقه ما في أسهل منها
بداية قومي بنسخ الباترون المرفق بالموضوع او لو حابه ممكن يكون بشكل مستطيل عادي لكن هذا الشكل هو اساس الالهام الي جا لاختكم بنت الدل والدلال
ملاحظه مهمه جداا:mad:
(الموضوع من مجهودي الشخصي والاسم sweety craftخاص بي وبمدونتي فالرجاء عدم نقل الموضوع او نسبه لأي شخص لاني اشارككم به للاستفاده)
نرجع لموضوعنا
هذا هو الباترون وهو بحجمين ممكن انك تنسخيه او تكبريه حسب ما تحبين وتطبعيه على ورق قوي حتى تكررين استخدامه مرات ومرات
وهنا قمت بتدبيس البترون على الجوخ ثم قطع القماش بنفس الشكل وهالطريقه افضل من رسم الشكل على القماش
وقمت بقص الجوخ على شكل ورود وأوراق وخطتها على البترون الاساسي قبل خياطة الحواف(ضروري)وفي هذه المرحله يمكنك تزيين الحافظه بحرف بدل الورد أو أشكال أخرى حسب رغبتك
هنا تمت المهمه وخيطت الحواف العلويه أول شي بغرزة البطانيه من ثم القطعتين دمجتهم بنفس الغرزه وممكن لو ما تعرفين تسوين هالغرزه تطبقين غرزة السراجه العاديه
وهنا فقط للتوضيح حطيت كذا شغله
وهنا شكل ثاني لكن الغريب انه لون الخلفيه رماديه والورد أحمر قاني وبالتصوير صار شكله مووو حلو بالمره يمكن لان التصوير من الموبايل..
يالله المهم توصل الفكره
وهنا بترون لنوع من الورد ممكن يفيدك
وهنا باترون ثاني:42:
أتمنى يكون العمل عجبكم وياريت الي تطبقه تعرض لنا شغلها
أختكم بنت الدل والدلال:26: