اخت دلال

اخت دلال @akht_dlal

عضوة فعالة

حالة أخوي دعواتكم

نزهة المتفائلين

يارب انت أعلم بكل شي يارب رحمـــــــــــــــــــــــاك
الى أخواتي العزيزات حبيت اشرح حالة أخوي الله بشفيه مره غريبه عمره 28سنه يعاني من حاله غريبه بس هو الحمدالله مدين ومحافظ على الصلاه في المسجد قبل بداية الاختبارات بشهر لدينا غيره أخوين في الثانويه العامه يدرسون وفجأه بدون مقدمات جت حالة فزع وخوف والمشكله مايبي أحد يطلع من البيت وأذا طلع علق الجوال لين يرجع ويجي عند باب المنزل ينتظره وماعاد يطلع من البيت واذا طلع يرجع لنا مفزوع كأنه طفل ويرتجف يقول بغيت أموت يوم رحت لحالي هويكره يسوق السياره مو في وظيفه لديه عمال وموسسة الوالده رحمه الله أذا دق احد العمال يبي تجديد أقامه أو تأشيره الله لايوريكم يقعد يهاوش ويقول أنا تعبت منهم ماأبيهم ابي أشقق أوراقهم أذ تبون لي العافيه والصحه والله انا في حيره تغير مره والطامه الكبرى بعد دخول الاختبارات اذا شاف أخواني بيرحون يبكي في الصاله يقول أبموت ويرتجف رجفه غريبه كأنه ملتمس بكهرباء بين فتره ,اخرى ولا يقدر يتحرك ويتعب تعبا شديد ويعلق الجوال على أخواني والغريب في الامر اذا أحد قرى عليه تبدا يدينه بنفضه غريبه تطير على فوق ورقبته تبدا بميلان وتولمه ويقول والله مأقدر أتحكم في نفسي وعلى ها الحاله لين يرجعون أخواني من الاختبارات وبعد مايشوفهم يرتاح ويقول خلاص جاء دواءي وللعلم قبل دخول فترة الاختبارات بساعه تبدا حالته واذا شافهم خلاص رجعت له الدنيا ويشيل هم الاختبارات الباقيه دعواتكم اني ربي يشفيه بس حبيت أسال وش تتوقعون يعني عند القراءه عليه ونسيت يطيح على سريره ويقول جسمي مره محمومه أذا شاف أخوانه بيطلعون الاختبارات وماعاد يقدر يتحكم بنفسه ولايقدر بعد يمشي تكفون طمنوني وش تتوقعون فيه واللي تعرف رقم شيخ ثقه يجي البيت وبعد اللي تعرف واحد يوقف معه ويعرف في الامور هذا ويكون من جنسيه عربيه ونعطيه راتب شهري علشان أخوي ماعنده واحد اكبر منه ولااحد عنده غير الله واخواني اتوقع اول ثانوي مايعرفون في الامور هذا تكفون ارسلو على الخاص ودعواتكم ربي يفرج علينا ويشفيه ويقر عين ولدتي بشفاءه اللي لاليل ولا نهار ماتنام وتحسب على اللي كان السبب علما أنا لدينا قريبه لا هي ولا أولادها ولابناتها كلهم في الهواء سوا لوينعطى الحسد دروع تستحق هي الافضل من ذلك يارب رحمـــــــــــــــــــــــــاك
14
2K

يلزم عليك تسجيل الدخول أولًا لكتابة تعليق.

تسجيل دخول

حُـــرة
حُـــرة
أخوك. عنده حاله مس شيطاني توه بادي فيه او سحر
ارقووه وعجلو بالرقيه.
انتي جملي الرقيه الشرعية بجوالك
وشغليها. شوفي وش يحس به اذا تغيرت حالته او ملامحه او جته نفس الاعراض ثبتا شرعاً ان معاه مس

انتبهو من العماله ربما والله اعلم ان احد متسببله


خبريني لو يرساااله عن حالته أعطيك برنامج كامل له



اسأل الله العظيم ان يشفييه


 
أمي صديقتي
أمي صديقتي
يارب يرحم حالكم يااااااااااارب

..

إذا كنتو بالرياض روحو كلكم مركز شفاء سنتر عند الشيخ محمد حمد العمري

يقرأ عليكم

ويعطيكم علآج .. متدرج وفعآل ..

لكن ضروري تصبرون شوي دام الحساد فيه + راح يخليكم تآخذون من أثرهم

هذا وصف المركز

المركز في حي نمار جنوب الرياض

مخرج 28 قبل الجسر المعلق بعد صناعية العاصمة يسار

ثم يسار حتى تصل الى قاعة الاحتفالات الكبرى و المركز بجوارها


القرآءة من السبت إلى الأربعاء


من هنا تحجزون رقم السنترال

الشيخ فهد الدخنان مدير مكتب الشيخ مركز شفاء سنتر والمشرف على السنترال 0536776644


وهذا موقع الشيخ محمد لحتى تفتحوون ملف للعلاج ..

http://shefacenter.com/vb/index.php

وهذي الشيخ لو ما تعرفيه ..


برنامج جوانب بعنوان:العين,النفس والحسد(1-10)





للمشاهدة

هنا



المهم ضروووووووووووري تصبروووون شوي على ذولآ الحسدة لين ربي ينجيكم منهم ياااااااارب

الله يشفيكم جميعاً

وأتمنى أكون أفدتك ~
اوركيد!!
اوركيد!!
خوذو اثر الحرمه الي تحكي عنها

واقري عليه برسلك ارقام وحده هنا الله يعافيها ارسلتها لي


الله يعافيه ويشافيه ..

صديقت عمتي واخوها كذا بس وقت الظهر يغمي عليه ولا يسوق وقراء عليه واحد وماشاءالله رجع طبعيي
نجود88
نجود88
الله يشفيه ويعافيه ويكشف ضره ويرحم ضعفه
الله يطمنكم عليه ويلبسه ثياب الصحة والعافية
لاتتركونه لازم يشوفه شيخ ويقرا عليه
Umemmy
Umemmy
الله يشفيه ويعافيه يارب ويريح قلب امكم.