ل?ف? @lf_1

عضوة جديدة

حالة بنتي ..

الأمومة والطفل • 8 سنوات

السلام عليكم ورحمة الله وبركاته
جيت اكتب مشكلتي هنا لأني تعبت من الدكاتره وكلامهم انا ي بنات عندي بنت عمرها 5 سنين من فتره ثلاث شهور تقريبا دايم تشكي من راسها وتبكي وتشكي من جسمها تقول تعبانه كل شي يوجعني ترا انا راح اموت تعبت تخيلو طفله تقول هالكلام وانا مرات اطنشها ومرات اهديها واسألها وش فيك تقول كل شي يوجعني المهم ي بنات الحين صار لها شهر كل شوي تبكي من بطنها تصيح صياح موب طبيعي ووديناها قال الطبيب يمكن غازات وعطاها ادويه ورجعت البيت بس طايحه بفراشها وتبكي بطني بطني وجا اليوم الثاني وصحصحت شوي وبعده بست ايام تقريبا رجعت تبكي وتشكي بطنها ونفس الصياح وبس نايمه لو احركها شوي صاحت بطني بطني قسم بالله يقطع القلب صياحها ووديتها طبيب ثاني قال يمكن مغص وعطاها علاج ورجعت البيت وصارت ترجع وارتفعت حرارتها وجلست اكمدها لين نزلت طول اليوم ع هالحال لين جاء اليوم الي بعده وصحت الصباح كانها دايخه بس احسن منها اليوم الي قبله واخذت خمس ايام وش زينها وصحت قبل امس الصباح وبس تمشي وتنسدح كل مكان تنسدح فيه بعدين قامت تبكي بطني بطني وبدأ الموال وصياح وصارت تستفرغ وارتفعتحرارتها وجلست اكمدها وتنزل وترتفع واكمدها وتزل وع هالحال لليوم الثاني ووديتها المستشفى وشافت حلقها قالت مافيها لوز قالت يمكن نزله معويه قلت نزله معويه وهي صارلها شهر ع هالحال سألت اذا معاها اسهال او امساك قلت لا بس بطنها وترجيع وحراره وعطتني علاج للترجيع والحراره قلت بس قالت اي خلاص مع ان لي ساعه اشرحلها وضعها بس ماش واخذت العلاجات وعطيتها ووقف الترجيع بس الحراره للحين معاها وألم البطن صارلها ثلاث ايام طايحه وابي أسألاذا وحده مرت عليها مثل هالحاله اتمنى تفيدني وش اسوي اروح اطلب تحاليل واذا تحاليل تحاليل ايش والله ماعرف شي والبنت رايحه فيها كانها رقعه طايحه والابو الله يخلف له عشر ايام مسافر مقابل شغله ماسأل عنها .

13K

يلزم عليك تسجيل الدخول أولًا لكتابة تعليق.

تسجيل دخول

amooollla • 8 سنوات

الله يخليها لك ان شاء الله انها طيبة
جربتي تقرين عليها داويها بالقران امسحي ع مكان الالم واقري قران وادعي والله يشفيها لك

نسبم الصباح • 8 سنوات

طيب متى حسيتي بنتك تغيرت عليك وانقلب حالها
فكري زين متى اول مره البنت وجعها بطنها ومسكت خط الايام الي بعدها .. يمكن رايحه لناس او ناس جايتك وحسدو بنتك
يمكن احد متكلم عنها وماذكر الله .. وخصوصا انها تشكي من بطنها دايم يمكن حاسدينها ع اكلها وشربها
عندكم خدامه بالبيت ؟ انتبهي يمكن حاطه لبنتك شي لاسمح الله .. وديها لاختك الخدامه قولي اختي تبي مساعده بتنظيف بيتها عشان عزيمه وخليها عند اختك نص يوم وامسكي البيت انتي وكم وحده معاك فتشي غرفتها و تحت سريرها يمكن حاطه عمل لبنتك لاسمح الله .. وانتي امانه شغلي لبنتك الرقيه الشرعيه وشوفي هل تبكي لما تسمع قران وش يجيها اعراض وعلمينا نقولك ..
بس انتي وديتيها قبل لاستشاري وعملها تحاليل وكذا ؟
استشاري مش اي دكتور .. وديها للحبيب لدكتور باطنيه وخل يكشف من والى ويشوف وش علتها

ل?ف? • 8 سنوات

amooollla :

الله يخليها لك ان شاء الله انها طيبة جربتي تقرين عليها داويها بالقران امسحي ع مكان الالم واقري قران وادعي والله يشفيها لك

الله يخليها لك ان شاء الله انها طيبة جربتي تقرين عليها داويها بالقران امسحي ع مكان الالم واقري...

أمين جزاك الله خير

ل?ف? • 8 سنوات

نسبم الصباح :

طيب متى حسيتي بنتك تغيرت عليك وانقلب حالها فكري زين متى اول مره البنت وجعها بطنها ومسكت خط الايام الي بعدها .. يمكن رايحه لناس او ناس جايتك وحسدو بنتك يمكن احد متكلم عنها وماذكر الله .. وخصوصا انها تشكي من بطنها دايم يمكن حاسدينها ع اكلها وشربها عندكم خدامه بالبيت ؟ انتبهي يمكن حاطه لبنتك شي لاسمح الله .. وديها لاختك الخدامه قولي اختي تبي مساعده بتنظيف بيتها عشان عزيمه وخليها عند اختك نص يوم وامسكي البيت انتي وكم وحده معاك فتشي غرفتها و تحت سريرها يمكن حاطه عمل لبنتك لاسمح الله .. وانتي امانه شغلي لبنتك الرقيه الشرعيه وشوفي هل تبكي لما تسمع قران وش يجيها اعراض وعلمينا نقولك .. بس انتي وديتيها قبل لاستشاري وعملها تحاليل وكذا ؟ استشاري مش اي دكتور .. وديها للحبيب لدكتور باطنيه وخل يكشف من والى ويشوف وش علتها

طيب متى حسيتي بنتك تغيرت عليك وانقلب حالها فكري زين متى اول مره البنت وجعها بطنها ومسكت خط الايام...

ماعندي خدامه وانا عايشه مع اهل زوجي فوق وهي اغلب وقتها عندهم ومشكووره ع ردك وبشوف اوديها دكتور يفهم

Nadine Abdulaziz • 8 سنوات

شربيها مي زمزم
الله يشافيها ويعافيها
ويحميلك إياها