السلام عليكم ورحمة الله
انا متزوجة ولله الحمد من 4 سنين
اول ماتزوجت بشهرين حملت ولله الحمد
وكنت بروح شغلى وامشى وامارس حياتى ومبسوطة زى اى عروسة
وبتابع عادى كل شهر وكنت بتابع فى مستشفى عادية وفى الشهر الرابع بس قالولى ملاحظة المية قلت واشربى مية كتير غير كده مفيش
بعدها باسابيع قبل مراجعتى زمايلى فى الشغل قالولى انتى بتخسى فقلقت دخلت على النت لان حركة البيبى فعلا مش حاسة بيها قلبى انقبض رحت لاقلرب عيادة واول مادلكتور حط الجهاز
قالى مافى نبض ومتوفى من كام يوم لازم تدخلى المستشفى كان تقريبا 22 اسبوع اتلهيت وفعلا تانى يوم دخلت وانا ميتة من الرعب لان كنت لوحدى معايا اختى بس
وفوضت امرى الى الله وعملت تحاليل الاجهاض كلها (التورش) كلها كويسة وقالولى معلش اول حمل بيكون مش ناجح بس صعب يتكرر نفس الشىء
زوجى كان مسافر الفترة دى واول ما استقدمنى باسببوع كنت حامل وولله الحمد وكلى تفاؤل ان المرة دى اخد بالى واروح لاستشارى واتابع بعناية
وفعلا شهر ورا التانى وانا ماشية بحرص شديد وخوف داخلى واعمل التحاليل والسونارات بانتظام وطلبت الدكتورة اخد اسبرين من اول الحمل وكانت بنوتة ووصلت للسادس ولله الحمد وبعد اسبوعين رحت اعمل تصويرى العادى قالت الدكتور المية قليلة والجنين مش واصلة غذا خالص
وادانى كلكسان يوميا لكن امر الله نفذ وتوفى الجنين باول السابع 26 اسبوع.
وعملت كل التحاليل الخاصة بالاجسام المضادة وداء القطط ......كل حاجة
وصلنا انها ممكن تكون اجسام مضادة لكن ما كانتش باينة بس شكوا ان حاجة مناعية لان والدتى متوفية بالذئبة وطلبوا انى اخد حقن سيولة واسبرين من اول الحمل اللى جاى ولو منفعش ممكن كورتيزون
ولله الحمد
............................لكن اللى حصل انى حالتى النفسية اتأثرت بشكل قوى وهرموناتى اتلخبطت لانى كنت بزيد بالعشرين كيلو
والحليب مكنش بينشف علطول فجالى تكيس خفيف لمدة سنة لم احمل بالرغم انى الله من عليا بنعمة الاخصاب لكنها تأثرت ولله الحمد
نزلت بلدى كام شهر وقللت من وزنى 17 كيلو بعد معاناةورجعت لعملى والحمد لله الدورة وهرموناتى ظبطت تلقائيا
واول ما رجعت بشهرين من الله عليا بالحمل الثالث فرحت لانى كنت شاكة بقدرتى على التبويض
فرحنا ومن اول يوم وانا واخدة بالى من الحركة والجماع واخدت الحقن المسيلة والاسبرين والفولك والاكل الصحى
وبعمل تصوير كل اسبوعين
وكلى ترقب وامل ان ***** الله اشوف نور عيونى فى حضنى والمرة دى ارضعة
واعدت كل تحاليل الاجسام المضادة والبول والدم كله كويس جدااااا
لللللللللللللللللكن ....فى اخر الرابع وانا منتظرة اعرف نوعه رحت للتصوير قالى الدكتور المية قلت والجنين متأخر نموة اسبوعين
لا حول ولا قوة الا بالله
رحت لواحد تانى وتالت اختصاصين طب اجنة .....كلهم اجمعوا ان الحمل غير مبشر وان حالتى غريبة لان تحاليلى سليمة تماما واللى فاضل تحاليل الوراثة الكرومسومات ...وعلى كلام الدكتور متكونش سبب فى وفاة الجنين فى هذه المرحلة وتكررها صعب
انا بكتبلكم وانا حامل فى جنينى ده ...وفى نفس الوقت بسعى انى اعرف السبب واستودعتة ربى الذى لاتضيع عنده الودائع
وبادعى لكل النساء اللى زى واللى زيكوا بالرضا ثم الرضا بقضاء الله
انا حالتى دورت عليها بالليالى بالنت ولم اجد شيئا ...ياريت للى عندها معلومة تضيفها او شافت تجربة مماثلة
وجزاكم الله خيرا
وطلب اخير دعواتكم ليا بالاجر والعافية وانى ااقوم بالسلامة وانى ارضى بما قسمة الله لى
ومعلش على الاطالة
وشكرا
شوشة دودو @shosh_dodo
عضوة فعالة
يلزم عليك تسجيل الدخول أولًا لكتابة تعليق.
ishish88
•
حبيبتي احييكى على صبرك ورضاك بما قسممه الله لك
اصبري فإن الله اذا احب عبدا ابتلاه
الله يتمم حملك على خير
وعليك بالدعاااااااااااء الدعاء ثم الدعااااااااء
اصبري فإن الله اذا احب عبدا ابتلاه
الله يتمم حملك على خير
وعليك بالدعاااااااااااء الدعاء ثم الدعااااااااء
الصفحة الأخيرة
اصحي قبل صلاة الفجر وصلي ركعتين حاجة لله
وفي اخر سجدة
ادعي واننتي ساجدة يارب اللهم صلي وسلم على سيدنا محمد عليه الصلاة والسلام و اللهم ياسامع الصوت وياسابق الفوت وياكاسي العظام لحما بعد الموت اللهم اخفظ جنيني واجعلني اقر عيني برؤيته واجعله سليم معافى وكخللق وخلقت الرسول صلى الله عيه وسلم