حبيبتي نصيحة
اصحي قبل صلاة الفجر وصلي ركعتين حاجة لله
وفي اخر سجدة
ادعي واننتي ساجدة يارب اللهم صلي وسلم على سيدنا محمد عليه الصلاة والسلام و اللهم ياسامع الصوت وياسابق الفوت وياكاسي العظام لحما بعد الموت اللهم اخفظ جنيني واجعلني اقر عيني برؤيته واجعله سليم معافى وكخللق وخلقت الرسول صلى الله عيه وسلم
حبيبتي نصيحة
اصحي قبل صلاة الفجر وصلي ركعتين حاجة لله
وفي اخر سجدة
ادعي واننتي ساجدة يارب...
حالتك بالنسبه لحالتي واييد بسيطه ولو أنو فيه تشابه كثير بيننا....
أنا أول حمل لي مثلك بالضبط من وصلت الخامس الا ويقولون مافي نبض (الجنين متوفي من شهر ببطني ولا دريت ) وتنويم وطلق صناعي لين بغت تطلع روحي مع البيبي هذا غير التنظيف وماأدراك مالتنظيف!!هذا غير الفجعه لما دريت بالموضوع خبرك أول تجربه لي مع الحمل والاسقاط.....
ثاني حمل ولله الفضل والمنه رزقني الله ببنوته هي أغلى ماعندي ..بدون علاجات وبدون مشاكل ......
ثالث حمل., حملت بعدها بسنه ونص حملت وتكررت المعاناه لمن وصلت الخامس ويقولون مافي نبض ..وطلق صناعي وولاده وتنظيف لكن الوضع مو جديد علي ..والحمد لله ..
رابع حمل كان بعد ثلات شهور من أخر أسقاط ولمن وصلت الثالث قالو لي بس كيس الجنين بدون جنين وبطني كبير ماتتصورين بس الغريب بهذا الحمل أن الوحم قعد معي أسبوعين بعدين أختفى وأنا ماتوقعت هالشيء يصير معي مره ثانيه وجاني نزيف وألام شديده لكن سقطت بالبيت . ...لكن الحمد لله ..
خامس حمل كان بعد الاربعين على طول ومن وصلت الرابع حسيت أنو فيه شيء غلط من تصرفات الدكتوره ودكتورة الاشعه ,,وقالوا الجنين مشوه وعنده مشاكل خلقيه ولا راح يعيش حتى لو كملتي الحمل 9 شهور وطلبوا مني عينه من الحبل السري وخذو العينه وقالوا كل شيء تمام وسليم ..
ولما وصلت السابع مات الجنين لانو مافيه مويه حوله لان عنده مشاكل بالكلى (كانت بنت )وطلق صناعي وألام فضيعه وولاده وتنظيف وكل أنواع العذاب أبتداء من الطلق والحاله النفسيه أنتهاء برؤيتها وهي متوفيه بجنبي ,,والحمد لله
وكل الاجنه اللي ولدتهم كانوا سليمين ومافيهم شيء..
بعد 3 شهور سبحان الله حملت للمره السادسه وكل شيء تمام وصلحت لي الدكتوره أشعه لقياس عظمة الرقبه وقالت كل شيء طبيعي وتمام وتفائلت بالخير وفرحت أن الله بيعوضني عن المعاناة اللي مرت فيني .......
صرفوا لي الاسبرين أحتياطا ولما قالت لي كل شيء طبيعي أهملت الاسبرين وهم نسوا يصرفونه لي ,, ولما جاء الخامس لقوا الجنين متوفي ببطني ..وقدر الله وما شاء فعل .
وطلق صناعي وولاده وتنظيف ..سمعت نصيحه وحده قالت لي أشربي سدر مطحون مخلوط بماء بعد التسقيط لعل وعسى أذا فيك قرينه تقتل الجنين فأنها ستموت أو تختفي ..
وبعدها ب5شهور حملت حملي السابع اللي أنا ألحين موصله فيه أخر الرابع وحرصت أني أحافظ على الاذكار ورحت لقارئ أعطاني زيت زيتون مقرئ فيه وأدهن به بطني كل يوم قبل النوم بعد قرأة الاذكار عليها..
أخر مره كان كل شيء تمام وعظمة الرقبه قياسها طبيعي جدا..
وأنا مع ذلك متفائله جدا ومحسنه الظن بالله لان له حكمه بكل شيء (قل لن يصيبنا الاما كتب الله لنا )..
أنا تعبت من هالموضوع خصوصا أنو فيه ناس أبتدوا يعايروني بالموضوع هذا وهم قريبين لي وايد ,,وش خلوا للعدوان ..
الحمد لله على كل حال ..
على فكره حولوني بحملي هذاعلى دكتور جينات (عبد الرحمن السويد) ودكتورتي (صفيه السلطان ) بمستشفى الحرس ..
دكتور الجينات يقول كل شيء تمام ويبي عينه من حمض الدي أن أي في حال توفى الجنين اللي ببطني (توهم يأخذون العينه ألحين ) ويبي صور للجنين (سونار ,وفوتغرافي )علشان يشخصون الموضوع ,,وأخر شيء قاله أنو مافيه علاج معين أخذه أذا الموضوع موضع جينات ووراثه ..
وأنا حاسه أنو الموضوع قرينه وراح أتغلب عليها بالقراءه والاذكار وراح أعطيكم أخر التفاصيل أن شاء الله ..
عندي بكره مراجعه مع الدكتوره وأن شاء الله خير ..
وعسى أن تكرهوا شيأ وهو خير لك ...
وأسفه على الاطاله ....
لكن حبيت أواسي الحبيبه صاحبة الموضوع ..