السلام عليكم ورحمة الله وبركاته
وكل عام والجميع بالف خير
القصه اللي باقولها حصلت قبل اسبوعين وحاولت من ثلاثه ايام اكتبها وماقدرت اضيف موضوع مادري وش المشكله بس الحمد لله قدرت الحين؟؟؟؟
المهم يابنات القصه حدثت بمدينة الرياض ولاحدى قريباتي ومن جماعتنا هالحرمه قربت ولادتها وقررت تجيب شغاله تساعدها لان عندها بنتين قبل المولوده الجديده وبالفعل جابت حبشيه وولدت الحرمه وبعد ولادتها بـ4 ايام كانوا اهل زوجها يتعشون عندها وعلى الساعه 10 الليل نزلوا بيتهم لانهم ساكنين تحت وولدهم واهله فوق الرجال نزل ينام عند اهله تحت لان من يوم جابوا الشغاله وهوه ينام تحت عشان الشغاله تاخذ راحتها الله ياخذ عمرها يارب
المهم بعد مانزل الجميع وبقيت الحرمه والشغاله وبناتها دخلت دورة المياه لتقضي حاجتها وقبل دخوله نبهت ع الشغاله تنتبه للنونو لانها تخاف عليها من اخواتها الصغار...الشغاله توقعت ان الحرمه بتطول زي ماتسوي اذا طلعت عمتها عند البنات ودخلت تتنقع وتتشطف تعرفون النفاس كم تجلس...؟؟ لكن الحرمه مثل ما قلت لكم فقط كانت بتقضي حاجتها اكرمكم الله وتطلع وبالفعل طلعت الحرمه بسرعه وماحصلت الشغاله والمولوده الصغيره ونادتها باسمها طول البيت قالت وحده من البنات ياماما سميره اخذت اختي تقول بتوديها لجده تحت...الحرمه مادخلت مخها كيف ؟ وليه؟دوبهم نزلوا من عندها وماقد مره طلبت عمتها النونو تنزل وبسرعه راحت للباب وحصلته مفتوح وهيه متعوده تقفله بس نسيت هالمره تقفله قبل تدخل الحمام وكانت بتقفله بعد ماتطلع لانها مستحيل تترك المفتاح ع الباب ...الحرمه اتصلت على عمتها وسالتها وكانت الاجابه ماحد شافها هنا عرفوا انالشغاله سرقت البنت وهربت وبسرعه يخرج الاب طول الشارع وبين السيارات يصيح ويبكي والجده رايحه جايه قدام باب العماره ومافي اي اثر للشغاله اما الحرمه الله لايبلانا ولاانتم يارب ولا كل مسلم على وجه الارض ماراح اقول كيف وضعها كل وحده تتخيل نفسها مكانها وبتشوف نفاس وانصدمت حسبنا الله ونعم الوكيل ... المهم يابنات انهم بلغوا الشرطه على طول والرجال يدور على رجوله رفض يركب السياره ؟؟؟؟ بعيد عن بيتهم كان فيه حديقه وكان فيها مجموعة حريم جالسات وبينهم بني جامعيه فديتها اسمها جميله الله يجمل حياتها بالخير والعافيه المهم الشغاله وصلت هالحديقه وجالسه تكلم ومرتبكه وتتلفت يمين ويسار ولاحظت هالبنت الجامعيه الشغاله السوداء ومعاها بنت بيضاء ولفت انتباهها هالشي المهم قامت وسالتها هذي بنتك؟ قالت ايوه بخوف..وتركته ورجعت جلست بس مارتاحت وجلست تراقبها ..الشغاله طفشت من نظرات البنت لها وقامت تمشي وتتلفت وراها الحريم شكوا فيها على طول وقاموا وراها والبنت الجامعيه راحت تلاحقها ..الشغاله بس شافتهم قامت تمشي بسرعه اكثر وتتلفت وراها هنا تاكدوا 100% انها خاطفتها ومش بنتها راحوا يجروا وراها وهيه خايفه وتسرع لين ماوصلت محطه وعرفت ان امرها مكشوف فقررت تهرب لحالها وتشغلهم بالبنت عن نفسها قامت ورمت البنت تحت جيمس كان واقف عند المحطه وهيه طلعت تأشر ع الشارع ووقف لها صاحب كامري شاب شهري الله يحفظه يارب ويوم كانت بتركب نادت عليه البنت الجامعيه قالت له وقف هاذي حراميه خطفت بنت ماندري وين ودتها؟؟الشاب بس سمع هالكلام نزل ومسك الشغاله وتصفقها واشرت تحت الجيمس مكان البنت وراحت البنت الجامعيه جري وشالتها وضمتها وحلفت ماتسلمها غير لاهلها والشاب قام دق ع الشرطه وبلغهم انه حصل الشغاله والبنت لانه كان عارف ان اهلها قد بلغوا ..وثواني وصلت الدوريات وسلمهم الشغاله والبنت الجامعيه موجوده ومعاها المولوده وحلفت ماتسلمها الا لاهلها وامها خاصه وبالفعل الدوريات بلغت الاب وعلى طول المسكين جاء وقبل مايشوف البنت راح ع الدوريه يبي الشغاله منها لانه اقسم ليقتلها لكن رجال الشرطه ماعطوه فرصه وسحبوه خافوا يرتكب فيها جريمه ويتورط المهم حاول الاب ياخذ بنته وحلفت البنت ماتعطيها الا لامها فهموها ان امها نفاس وتعبانه ومنهاره لكن اصرت على موقفها وهيه تبكي وبالفعل احضروا الم والله لايوريكم الموقف يابنات تصيح بصوتها وتضم بنتها وبس تبكي واخذتها وع البيت وجلست على هالحاله اسبوع ماتتكلم بس ضامه بنتها وتبكي والله لايلومها كانت تتخيل لو مارجعت بنتها وش كان بيصير وكيف بتعيش وفين ...؟؟؟؟؟؟؟؟ بس الحمدلله رجعت البنت لاهلها واخذوا رقم هالبنت اللي لولا الله ثم فراستها لمارجعت البنت وبعد التحصين واستوداع الله
عموما يابنات هالقصه وقفنا عليها ووقفت قلوبنا معها الرجاء الحذر ثم الحذر من هالشغالات اللي مايجي من وراهن الا المصايب تخيلوا غرموا الرجال 10000 ريال لانه جاب له شغاله متخلفه الله لا يحوجنا لهن كفايه اللي باقامات ومانخلص من بلاويهن نقوم نجيب وحده متخلفه..
ابغاكم يابنات تدعووون لجميله الله يحفظها وللشاب الشهري اللي مسكها ومافكها الا للشرطه..
انتهتالقصه وتعبت بس وش اسوي حسيت قلبي محروووق على هالمولوده وقلت انزل قصتها للاعتبار ونبلغ عن هالمتخلفين اللي طغت مصايبهن على بلادنا وفي امان الله ..............
(اختكم وردة جوريه)
&وردة جورية& @ampord_goryamp
عضوة جديدة
يلزم عليك تسجيل الدخول أولًا لكتابة تعليق.
الحمد الله على على رجهتها بالسلامه والله يبعد عن الجميع كل مكروه والله انا مارتاح لسالفه هالشغالات
الله ستر وحفظها بحفظه اللهم احفظ اولآدنا وبناتنا والمسلمين اجمعين يارب
ياكرهي للحبشيات يخوفون
ياكرهي للحبشيات يخوفون
الصفحة الأخيرة
والله يجزاها خير جميله والشهري
والله ينقم من الحبشيييييييه