حالة رعب من قصص خطف المواليد

السلام عليك ورحمة الله وبركاته

اتمنى من الجميع التفاعل ... والله يا بنات حالتي تكسر الخاطر:44:

هذا الطفل من ثلاث سنين وانا احلم فيه واتمناه واجهضت قبله مرتين ... والحمد لله ربي ثبت لي حملي وبدت اموري تمشي تمام..

لكن صدمني خبر خطف الطفله شهد .. وبعدين سمعت عن طفل الجوف اللي انخطف .. وجلست اقرى جريدة الشرق الأوسط يوم الأحد فيها مقال كتبته وزارة الصحة بخصوص هذا الموضوع اثاري مو بس الخطف كمان حصل تبديل :mad: يشيلون اسم الام من طفلها ويحطونه على طفل ثاني .... والله العظيم مهزله...

لا ويقول وزير الصحه // انهم مو راضيين عن هالشي وانهم جالسين يدرسون وضع كاميرات في حضانات الأطفال ((ما قصروا))


المهم ... انا من يومها وانا بأموت من الخوف .. ياربي حتى بعد التعب شايله همه وهو ببطني وخايفه موت من الولاده .. وفوق هذا كله ما اتطمن اولد اخاف يخطفون طفلي:44:

وش رايكم بنات تكفون لا تبخلون بالردود والله نفسيتي مرررره منهاره:confused: