حالة زوجي اتعبتني

مدري وش الحل معاه
هذا زوجي فجأة بين ليلة وضحاها انقلب حاله
مدري كيف اوصفه بس احس في حاجة غلط صايرة فيه
الرجال صاير منعزل عن الناس كلها
تغير بشكله ومظهره اول كان مهتم بصحته وسوالف وعناد وصراخ وطلعات مايقعد بالبيت
الان من شهرين متغير كليا
وزنه نزل صار نحيف ومربي دقنه وسااكت حتى بنته مايلعبها ولا يتكلم معاها الا شوي
يرجع البيت يحط راسه وينام او يقعد عالجوال
اول حاجة صارت معاه ان في صديق له يعتبر بمثابة صديق عمر اصابه مرض سرطان العظام الله يجيرنا من يوم مادرى الخبر وهو تغير
ثاني حاجة احس الذكريات ذابحته على اخوه لي توفى وصارله متوفي ست سنين
فجأة صار يحط كل فترة صورة له على حالته بالواتس اب
ويوم قلت له ليه عصب علي وقالي اخوي وحبيبي وبدأ يسرد الكلام
ليلتها خذني معاه بالسيارة لعند حارتهم القديمة ويمر من هناك ويقول كنا نقعد هنا وكنا نروح هنا ويترحم عليه وصوته مخنووق
حتى اهله استغربو منه ومن تغيره هذا
بيت اهلي صارله شهرين ماداسه حتى ابوي يكلمني يقولي فلانة زوجك ليه مايزورنا ومايكلمنا ولا قلت له قالي بعدين
طول هذي الفترة ملاحقته بسوي له توكيل عشاني موظفة
وكل شوي يقولي بعدين ويتحجج بعدها قالي خلاص روحي مع اخوكي وانا اجيكم الصباح
ورحنا انتظرناه هناك ساعة على بين ما جا لنا ويوم جا نزل من سيارته وشافنا ومع كذا ماعبرنا مشى بطريقه واخوي لاحقه يناديه يافلاان وهو مايرد واحسه انه سامعنا ومطنش
يوم شفته ماشي فعلا حسيت انه متغير كليا
وهو كتووم مستحيل يفضفض حتى لو صايرة معاه مصايب الدنيا دايم يطلع نفسه انه قوي ومتماسك
احسه كسر قلبي