حبيبتي أنا تو بنتي معها إسهال إستمر 11 يوم ونزل وزنها فيه وكنت أعتقد تسنين لكن طلع نزله معوية الله يشفيها
طبعا لازم تروحين للطبيب
علما عطيتها جزر ورز مصري وسفن ومحلول جفاف وسريلاك بالرز ولكن مافيه فايده وفي النهاية طلع عندها جرثومة بالامعاء ممكن عن طريق اللهاية أو إهمال الشغاله
و الطبيب كتب لها على مضاد حيوي وحليب خالي من الاكتوز لمدة لاتقل عن ثلاث اسابيع
وأهم شيء يالغالية اذا الإسهال فيه رائحة كريهه وانتي بكرامة على طووووول روحي للطبيب ولا تهملين الموضوع وألف سلامه عليها وماتشوف شر يارب

اختي قبل فتره كنت كاتبه عن نفس الموضوع .. و ها هو الرابط .. ان شاء الله تستفيدين ..و الله يعافي ولدج ان شاء الله ما يشوف شر
http://forum.hawaaworld.com/showthread.php?p=3431730#post3431730

أشكركم عزيزاتي..
والله انا وايد أحاتيه خذيته أمس للمستشفى عندنا بالشارجة (مستشفى الزهراء الخاص) وما نفع معاه شي.. أنا الحين في الدوام وقاعده أحاتيه ودوامي بسخلص بعد ساعتين يعني الساعة 8 بالليل.. وخايفة عليه حيل
قالت لي الدكتورة عطية حليب نيرسي بي دي.. ولما رحت الصيدلية قال لي الصيدلاني ان المستشفى تسوي دعاية للحليب.. فخذيت على راية وما شريت له.. واليوم قلت باخذ له والحين شرب بس انتظر الرد.. والله حالتي وايد تعبانه أفكر فيه.. ومو عارفة أشتغل مع ان طبيعة شغلي الرد عل المكالمات.. فكيف راح اساعد المشتركين وانا ضايق خلقي على حبيبي حمدان ولدي

عيوني الحليب ماهو علاج أبدا ... لكن غذاء خالي من السكر فقط !

ولا لك غناة عن الأدويه أعرضيه على طبيبه ثانيه ضروري جدا .

الله يشفيه

اختي الكريمة الاسهال في حد ذاته ليس بمشكلة بالعكس هو حل للمشكلة طالما انك تعوضين الطفل مايفقده لان الاسهال ينظف البطن من وجود اي اصابات بها

على كل حال علاج الاسهال في الخطوات التالية :

اولا اجراء مزرعة للاسهال فورا للتأكد من وجود اصابة ميكروبية ام لا خاصة لو كان البراز ذو رائحة كريهة

ثانيا تغذية الطفل جيدا لتعويضه الفاقد خاصة في السوائل

ثالثا اعطائه مواد تمنع الاسهال مثل ماء الارز او الخوخ او التركيبات الموجوده في الصيدلية

وطالما انك اتبعت الخطوات السابقة فلاخوف على طفلك باذن الله .. شفاه الله وعافاه