حالة غريبه تجيني وحاله تانيه عند ولدي

مرحبا بنات حواء
بدخل في الموضوع على طول

من منا لا يحب يقرأ سيرة الرسول اللهم صلي وسلم عليه
طوال عمري احب اقرأ عنه واسمع برامج عن سيرته
اللي يحصل لي في كل مره ان لمن اوصل لحجة الوداع والوفاة اصير في عزا
ويشتد بي الحزن وابكي ليل ونهار وكأنه توه مات عليه الصلاة والسلام
فصرت اقرأ السيرة او اسمعها لحد مرحلة الحجه والوفاة واوقف

لكن في السنوات الاخيره بعد مازاد حب الرسول صلى الله عليه وسلم بقلبي صرت لما اسمع شئ من سيرته او اقرأ عنه خصوصا اللي حصل فيها اذى له او تعب
الا تجيني حالة شجن قويه وبكاء مستمر ما اقدر اوقفه اضطر اني اقطع الموضوع واغير بشئ ثاني ينسيني
وقد ما حاولت ماقدرت
ابكي بشكل مو معقول واذا قاومت تصير دموعي تنزل مطر من عيوني
والله العظيم هذا اللي بيحصل معايه
وانا الان نفسي ارجع اقرأ عن سيرته في اشياء معينه وتفاصيل مو قادره تجيني الحاله

هل ذا من الشيطان ولا شدة حب لهذا الرسول العظيم ولا ايش تفسيرها بالضبط


حاجه تانيه ابغى اسألكم عنها
عندي ولد عمره سنتين وشويه لمن نسأله عن اسمه يقول محمد من يوم ما بدى يعرف الكلام وهو يقول اسمه محمد
مع انه ماعندنا بعيلتنا احد اسمه محمد الا عمه اللي توفى من سنين
وحاولت اعلمه اسمه وادربه اكرره بس والله العظيم توي اقوله اسمك فلان يعيد اسمه ارجع اسأله ايش اسمك يقولي محمد
فايش رأيكم لان فيه ناس يقول غيرو اسمه !