حالة مّس

السلام عليكُم ورحمة الله وبركاته.الموضوع دا ماعندي خبرة فيه فحبيت أسألكم : (تقريباً عايلة أمي أكثرهم مريضين بالأشياء دي سواءاً عين أو مس وخصوصاً أخواتها واخوانها .وفيه أشياء شفتها بنفسي وأنا صغننة بس المشكلة ماكُنت مستوعبة أبداً : (أتطلقت من أبويا ، وسمعت كلام من بابا إنو أتزوج أمي وهُو ماكان يعرف إنو فيها صرع! أمي أساساً مافيها صرع ترا!! يعني أستغربت من دا الموضوع. بس فيه مرات أمي وأنا صغيره كانت تصير مُتوحشة فجأة ووجهها يتشنج وصوتها يتغير وكانت مرات تضربني أنا وأخويا ضررب ضرررب موطبيعي وبالنهاية جسمها كُلّو يصير معصب كإنو صرع ويغمى عليها وكان كلامها في هالحالة وهي تضرب فينا عِبارة عن وحاجات زي كدا! مع إنو سبب عصبيتها غير معروف أبداً! ، أنا على بالي بسبب العصبية وجهها يتشنج. وعشان أكون صادقة أكثر ، جاتني فترات بسببها صرت متوحدة ومااقرب من أحد وأدور على الوقت إللي يكون عكسها أصحى فيه وإذا شفتها أنام! ، بس تعرفو إيش الشيء اللي فعلياً تركني أتنرفز منها ؟ إنو بعد ماننضرب ويغمى عليها تقوم بعد فترة مو طويلة وتكُون عادية وتجلس معانا كإنو ماصار شيء.! الشيء دا خلاني أفكر إنو ممكن بسبب الضغط وهالحاجات.....المُهم أمي أتزوجت واحد ثاني وأنا عُمري 10 سنوات. وبعدها صارت حالات عندنا مس وحاجات فبعدها صرت أقرأ عن هالموضوع وكيف نتصرف فيه على بالي بس خالتي وخالي إللي تعبانين من هالموضوع ، لإني كنت أتواصل مع بناتهم. وكانو يقولو ليّا إنو الأخوان والأخوات كلهم تعبانين ترا وأنتبهي على أمك لازم تكوني معاها بس بسبب إنو بعد زواجها صارت تختفي كثير مااعطيت الموضوع أهمية وكانت لمّا تقابلنا جداً طبيعية ، وقبل فترة تعبت وعملت عملية وأضطريت أجلس معاها في بيت زوجها. الصدمة إللي شفتها اليوم خلتني أراجع كُل شيء وأنا صغيره ،.كانت مع زوجها وسمعت صوتها تضحك بشكل غريب ولمّا دخلت قال لي زوجها أمسكي رجلها وأقرأي.كان زوجها وزوجتو الأولى ماسكينها وكان بيقرأ قرآن وأيآت ، وكانت أمي مو أمي ، يعني ملموسة. وكانت تحاول تستفز زوج أمي عشان يسكت وكلام أستغربت منو بس بعدها أستوعبت الوضع. والكلام إللي سمعتو منّ الشيء دا إللي جواتها وكلام زي كدا.بالنهاية زوج أمي قال لي أمسكي رجلها كويس و(أشّر لي على عصب معين) وأقرأي ، وصار يقرأ وبدأ جسم أمي يعصب ثاني وكانت تبغاني أترك رجلها.فجأة قالت وبأسلوب مستفز وضضححححك.أقسم بالله يابنات كانت هذي ملامح وأسلوب أمي بالكلام وأنا صغيره لماتعصب. كانت حركتها تكون غريبة وجسمها معصب بطريقة غريبة! ومتوحشة.يعني بالبداية جلست أقرأ وكان فيه شوية رهبة من الموضوع بس بعد هالشيء فعلياً الخوف أختفى نهائياً! حقدت عليه : (المُهم إللي فهمتو دحين إنو هالشيء إللي عند أمي يجيها من زمااان يعني وإحنّا قبل ماننولد أصلاً ، وأكثر كلامو إنو ] ، حتى كان يخدعنّا شويا يمثل إنو أمي وشويا يصير متوحش ويقلب! يعني تخيلو فجأة يتكلم زي أمي ويهدا و وحتى قال بس بلسان ثقيل ، وفجأة يعصّب جسمها ويبدأ يضحك يعني قلك قلك خدعنا! وحاولنا نخليه يقرأ قرآن بس كان يقرأ بشكل مش مفهوم عشان يحاول يخلينا نتركو ويقنعنا إنو أمّي....آسفة الكلام طويل بس أبغى أحد يقول لي أتصرف كيف : (بس عجزت أفهم إيش وضع الشيء دا يعني عشق ولا إنتقام ولا أذى بس!! بس الغالب أذى من الكلام إللي سمعتو من أقاربها.إيوا وقال وبعدها سار جسم أمي معصصصب مرا وحالة زي كدا وبعدها رجعت طبيعية : (..وأعتذر إذا القسم مش بمكانو : ( بس أبغى أحد عندو خبرة بدا الموضوع وكيف يتصرف.