مميزه ومالي شبيه :

اكثري الاستغفار وان شاء الله يعافيه ربي

اكثري الاستغفار وان شاء الله يعافيه ربي

فواااحة :

يا اختي بحور نجد الله يعافيلك ولدك ويقر عينك بسلامته شوفي اختي المرض هذا معروف عندنا في الجنوب بأبو رويص واغلب اطفالنا من سن الولادة يجيهم ولكن يروح بعد اسبوع بالكثير اقولك ايش السبب ترا علاجة شعبي بالتدليك بطريقة معينة بس الله يعينك على صراخه وبكيه جمدي قلبك لأنه يكون مؤلم اذا تمكن المرض منه واذا بكاء خفيف يعني المرض في بدايته اما اذا دلكه بعد كم مره تدليك وماحس بشي فولدك تعافى وترى ما احد يعرفه في اي منطقة ثانية غير منطقة جيزان ترى حتى الناس يجون يتعالجون من دول الخليج هذا اذا احد قلهم عن طبيعة المرض ولا هم مايعرفونه يحسبونه استسقاء وخلاص ويعالجونه عندنا كبار السن رجال وحريم بس مو اي احد بس ناس معروفين انا ولدي بدأ فيه بس عرفت بداية اعراضة على طول وديته عند عجوز والحمدلله 3 مرات تدليك في 3 ايام مع وصفة حطيتها على راسه عطتني اياها شوفي لازم تكون هذي الأعراض موجودة او بعضها بكاء دائم ثقل في الراس وكبر حجمه ويطلع لسانه ودايم عرق تحت راسه وعلى السرير كأنه انكب مويا وسخونه ومايرضع وبرازه زي المخاط اكرمك الله شوفي بصراحة هذي تكون في الضع ترى ماشفت اطفال 5 سنين عندهم المرض هذا يمكن الأعراض تختلف ترى والله الدكاترة مايعرفونه ويقولون هذي خرافات ومايصدقون ترى زوجي واحد منهم وماصدق بس انا وديته للحرمه وشاف انه تحسن بس احسه انه ما اقتنع المهم بالنسبة للمعالجين هم كثير وفي قرى مختلفة تراهم ناس على قد حالهم بس ايمانهم ماشاء الله قوي حقون اول وطيوبين وحبوبين ترى اللي كان مشهوريييين مرة بعضهم توفوا زي عجوزة اعرفها ومشهورة عالجت طفل عمرة14 سنة من ولادته في المستشفى في منطقة من المناطق وماعرفوا وش فيه لين واحد دلهم عليها جابوا لها الولد شايلينه مايقدر يمشي وراسه كبير حيل في خلال اسبوع والله العظيم اتعافى ورجع ولد طبيعي وصار يمشي بس الله يرحمها ويجزاها الجنه المهم ترى كبر الراس على حسب اذا كان في شهوره الأولى يرجع راسه طبيعي اما اذا تمكن المرض هو يتعافى بس حجمه شوي يتحسن بس اذا طلع الكلام اللي تكلمت به مطابق لحال ابنك فأنصحك تروحيلهم لن الدواء عندهم بإذن الله ترا هم ناس بسطاء تروحيلهم اي وقت بس يناسبهم اكثر بعد الفجر وبعد المغرب وينامون بدري وماعندهم ارقام انا عن نفسي دلوني على اسم القرية ورحت لها واهل اقرية هم اللي دلوني على بيتها قوليلهم بس فين بيت العجوز او الرجال اللي يغمز بشد الميم مع كسرها اقولك على اسماء القرى اللي اعرفها م موجودين فبها وفيها حريم ورجال اللي تختارينه اسم القرية : المعبوج - اللقية -صامطة تراها مدينه-الجرادية - الطوال - الموسم - المحرقة تراها عن الحدود بالضبط هذي انا رحتها صدقيني لو انا ساكنة هناك كنت استقبلتك ووديتك عندها بنفسي بس انا رحااااله مع زوجي مدري متى بأستقر ترى مايهون علي اطفال بها الحالة والله يعلم لأن ولدي كان واحد منهم الله يعافيلنا اولادنا ويبعد عنهم الشر آمين ترى مو كل عيالنا يصير فيهم كذا ترى ناس وناس وناس واحد من عيالهم كلهم وناس عيالهم كلهم يجيهم الا واحد منهم وناس ما يعرفونه ابد لحد الآن ما حنا عارفين ايش السبب بس نتوقع ان الرضيع راسه رخو ولما يكون مكشوف وما يتغطى يتعرض لهواء وهذا والله اعلم اما بالنسبة للجهاز اللي في دماغه صراحة ما ادري هذي معضله اذا مامنه خطر يظل في راسه كان بها بس اخاف التدليك يأثر عليه لأنه صراحة قوي اما يقول الدكتور خطأ طبي لو انا مكانك والله ماسكت ماغير ابو متعب الله يحفظه بعد الله يطلعلي حقي منه ولا اروح عند امير المنطقة تراهم مايرضون بحق المواطن يضيع هدر الله يحفظهم لنا ودام عزك ياوطن ان شا الله اني مانسيت شي واكون افدتك ياعمري بوسيلي ولدك كثييير ياقلبي عليه الله يشفيه وتفرحين فيه وفي عياله بعد يااااارب

يا اختي بحور نجد الله يعافيلك ولدك ويقر عينك بسلامته شوفي اختي المرض هذا معروف عندنا في الجنوب...