حالتها حاله وان شاءالله تلقى عندكم الحل والنصيحه؟؟؟

خليها تتقي ربها ولاتهدم بيتها بيدها بسبب الغيره من خواتها

اما عن الاهل فا كلامهم مايخلص

وخليها تحط ابالها شغله (ماطار طير وارتفع الا كما طار وقع)

ومثل ما الله فتح على خواتها بازواج اعنياء يمكن يفتح عليها باب الرزق بغير ذلك
ومو مهم انها تشاركهم سوالفهم عن سفرات اوربا ولا جمعات اهلها وكلامهم عن المظاهر

اختي انا واحده من اهلي نفس حالتها اختها في فله وهي بشقه صغيره وماعندها معاش
يكفي حتى لالعاب اطفالها
ومره كنت جالسه معاهم وكانت تقول لاختها وهي حامل اذا بنت نزوجها ولدي فردت
عليها (انتو فقر مانبيكم) والله انا احتريت لها اكثر مما هي محتره لنفسها

وسبحان الله انقلبت الدنيا عليها وانفتحت بوجه اختها واشتروا بيت بتعبهم وبعده سياره مرسيدس
وبعدها بدوا يسافرون من ديره لي ديره وهي في بداية زواجها اول سنين ماشافت ولا ديره
واختها الله يشفيها اصابها مرض لا نتشمت فيها لكن تكبرها على الناس وعلى اختها هو السبب

خلي رفيجتج تتعوذ من ابليس وتصبر على زوجها ., وتصرفات زوجها معاها بسببها هي
لانها محسسته بالنقص ويشوف اخواتها ويشعر بالنقص
اذا تبي ترتاح من هذي المشكله خل تخلي علاقتها باخواتها سلام سلام وتشوفهم من شهر لي
شهر ,, راح ترتاح مع زوجها وفي بيتها
اما طلاقها من زوجها فعلى اي اساس ظامنه ان يجيها واحد غني ؟ واذا كان غني ايش يظمن
لها ماشرب او مايظربها او مايكون بخيل معاها او مايخربط من وراها ؟ وهي ماتدري عن
المشاكل بين اخواتها وازواجهم وربما يكون تفاخرهم بانفسهم هو تعويض للنقص
الي يحسون فيه في بيوتهم بس شاكرين يتفلسفون بالفلوس .. الشطاره بالزوج كيف تكسبه
اما الفلوس تروح وتيجي



الله يعينها على نفسها ويعين زوجها عليها ولا نلومها مرات الواحد يتحسر على نفسه ويحط
حرته باقرب الناس له

مشكووره يالغاليه مافي اسامي كلامك صحيح 100%
حذفت الموضوع لان بستأذن من صاحبة المشكله اني اعرض موضوعها في عالم حواء لاني قلت لها بكتبه في منتدى وماقلت لها عن اسمه ...اخاف لو تدري انه عام حواء ترفض لان الكل يعرفه ..بشوف وارجع اكتبه ثانيه اذا ماعندها مانع...
مشكوره