حالتي الان .....

السلام عليكم ورحمة الله وبركاته .

قبل كل شي حابه اقولكم عن حالتي قبل انا كنت انسانه متفاءله كنت اضحك كثير حتى ان ضحكي مميز عند اهلي وصديقاتي وكنت الازم اسوي رياضه يوميا احس لما اسوي رياضه بتفائل و السعادة و كنت سعيدة بهذا الوضع ، وكنت كلما اجي من الجامعة اسوي رياضه وبعدها ادوش ، وقعد مع امي واسولف لين المغرب وبعدها اسوي رياضه ، وكذا وحياتي واسولف مع خواتي ، بس تغير حالي بتدريج ، وكان اخر ترم الي في الجامعة انخطبت ، وفرح مثل باقي البنات ، وبعدها رحت حللت حق تحليل الزواج ، وبعدها تغير الحال قمت اشوف احلام غريبه ، وصرت مكتأبه ولا احد يعرف وش فيني ، ولما اروح الاجامعه مالي خلق ، ولا ودي اسمع وحده من صديقاتي ، كل وحده تشتكي ، ومليت منهم صرت اطالعهم وانا سرحانه ، وبعدها تملكت وما فرحت بالملكه وبعدها تخرجة من الجامعه بتفوق و ما فرحت ، وكل حياتي صارت صمت و عدم فرح ، احس كل اناس مبصوطين لا انا واحس ان الحياة ما تستاهل استمرت بعمل الرياضه بس مو مثل قبل وبعدها يوم ويوم الا والحين تركها نهائين وبعدها وصلني خبر وفات وحده من معلماتها في الصف المتوسط ، وحزنة عليه ، وستمرت حالتي على ماهي عليه ، وكل ما اسمع حالت وفاه بعضهم لا اعرفهم اكتأب واحزن برغم لما والدي توفي حزنت بس ماكان مثل حزني الان على من لا اعرف سرت اسرح كثير وافكر ، استمرار الاحلام المزعجه و حالة الاكتاءاب تزيد وبعدها قررت التوبه الى الله وترك المعاصي والمسلسلات والاغاني والحمد الله تركها ولي شهرين على تركها ولله الحمد والمنه ، وصرت الصلي الصلاوات على وقتها و اصلي الوتر واقراء القرآن , ورتحت شوي من الاكتأب ، بس لما حددو موعد زواجي ، امي فرحانه وخواتي وانا لا ، وماني مهتمه ، اروح اسوق واخذ الاغراض من غير نفس واخذ اي شي ماعدت اهتم بش ،


صرت اناشب خواتي صلو ،،، قمو صلو هم الله يهديهم ويصلحهم بعضهم يصلي وبعض مايصلي ، وانا يضايقني انهم مايصلون ، وقول لامي لا تشوفين المسلسلات ، و ماني مهتمه بالمره بزواجي برغم انا كنت مثل كل بنت تبغى الزواج ، وما زلت بس احس نفسي عفت الدنيا ، واحس ان الانسان ليه عايش وليه يفرح ادامه بموت ، وليه يعمر بيوت وليه يبيع ويشتري ، وكذا ، امي ملاحظه علي وقامت تهاوشني تقول انا ابي افرح وانت زعلانه ومكتأبه ،

انت ما تبغين الرجال؟

اقولها انا ما قلت شي ، قالت الجل ليش زعلانه ، تخافيه الموت كلانا راح نموت ، وش فيك ، اقولها مافي شي ، وصارت تراقبين كل شوي وش تسوين ، انا المفروض افرح بزواجي زي كل البنات ، بس ماني قادره احس اني مالي خلق لاي شي , كلهم يخططون ويقون راح تلبس في عرسك كذا وراح نسوي كذا ، وانا مثل الجيدار لا اسمع ولا ارى . حتى ما افكر بزوجي ، والافكر في يوم العرس والدخله ولا افكر في شهر العسل ، ولاشي انا عارفه اني طولت في الكلام بس انا تعبت من حالتي ابغى احد قد صارت له نفس الحاله او يعرف يحل هذي المشكله مع العلم اني الان صرت الحمد الله مواضبه على الصلاة والقرآن و الوتر ، خف الاكتأب عن قبل بس الحين صارعندي تبلد و ما صرت اسولف مع امي وخواتي ، ولا احد اذا زارنا ، والله يسعدني ويسعد امي وخواتي ويصلحنا وينفس عني كربتي و يجعل لي من كل ضيف مخرجا.

وسلام مسك الختام.