حالتي المأساويه و التناقض الشديد مع زوجي!!!!!!

بسم الله الرحمن الرحيم
حالتي المأساويه و التناقض الشديد مع زوجي
ما خليت كتاب ما قريته ولا المنتديات تجولت بشوارعها كلها مالقيت حل لمشكلتي وهوالتناقض مع زوجي ( شعر ناعم وشعر اجعد )
بصراحه انا ماكره الشعر الاجعد لكن المجتمع إللى أعيشه ما يفهم أنه يعطي جمال للمرأه
ومن ناحيه زوجي . كان حلمه زوجت المستقبل يكون شعرها ناعم وطويل
بس انه يقول لي خلاص استشوريه ويصير حليو وانا مقتنع بس ياريت انك تطولينه .
كيف اطوله وهو أجعد ومتطاير بيصير صعب استشواره وبياخذ وقت طويل
انا كنت املسه بسوفت بمهاره وطريقه ذكيه تخللي الشعر حرير
بس المشكله ما أقدر أملسه قبل ماتخلص 6 شهور ولو قللت بيتلف ويتقصف لانه ضعيف ومايستحمل . وللى يزيد الطين بلّه انه كثيف و يطول بسرعه ________بالله وش يحيله
هنا تبدأ المأساه
يا أهل الله هو يقول مقتنع بشعري ............. كيف؟؟؟؟؟؟؟؟؟
*/*/وهو يوم سمع ان بنت أخته بيقصون شعرها إلى نص ضهرها أعترض وقال حرام شعرها ناعم . على لأقل تصير عندنا وحده شعرها ناعم وطويل نستانس فيه .
>>>>> شبيكون حال قلبي ذاك الوقت <<<<<
*/*/ تصورو بنات أخوانه يقولون لي بصراحه عمنا أحلى منك ولا تزعلين ما شاء الله أهو وسيم وشعره ناعم وانت مافيك إلا بياضك
أنا مازعلت عليهن >>بس قلبي أنجرح .لأن الجمال من خصوصيات المرأه .
*/*/ في شهر العسل وحنا بالأمارات كنا ننتظر الإشاره تفتح علشان نعبر ومعانا رجال وحريم
وقامت وحده وبكل وقاحه دخلت أصابعها بشعر زوجي وقالت واااو.
*/*/ مره بعد ماملست .شافني __قال واو أنت حلوه حيل أحس أنك وحده غير واحس انك كلك أنوثه وجمال
بنات أنا من غير شعر ناعم ولمده 6/ش مش أنثى .والله كلام يحزّبالنفس.
النتيجه :
=صرت ما أحب يقرب مني وأعطيه أعذار وأتهرب__إلين أنه ملّ وصارحني وقال لي وين أروح إذا أنت منعتيني وش أسوي بعمري .أنت زوجتي ....وش غير الأحوال
أنا أدري ان هذا من حقه الشرعي بس المشكله بعدين بيحتاج أتروش وبيروح الأستشوار ومع كثرته بخرب شعري أكثر وأكثر.
=صرت مأحب أروح بيت أهليته علشان ما أسمع كلام يغثني
المطلوب:
ماعليه أنا كتبت مجلد ________ما أعرف أختصر .
ياريت بعد اذنكم تساعدوني بخطه طبيعيه لفرد الشعر الأجعد
لاتخيبوني بعد هاتطقطق عا الكيبورد .
وبمشيئة الله لو أستفدت من خلطة وحده فيكم راح أدعي لها شهر وفوقهم 10أيام هذا وعد يشهد عليه ربي. وبتحاسب عليه يوم القيامه .