حالتي النفسية

السلام عليكم بنات
انا حامل في الاسبوع الثاني من التاسع
من دخلت التاسع وانا بس ابكي مادري ايش فيني نفسيتي زفت اعصب على بنتي وعلى زوجي
احس زوجي مايحبني مايساعدني في شغل البيت ولافي بنتي وانا اشتغل في بيتي وانا موت تعبانة
ويرجع من المدرسة يشوفني من الليل الين الظهر ماانام مايقولي ايش فيك تعبانة نساني الكلام الحلو

ذحين صليت الفجر وقمت انظف قي البيت خلاص وسخان مرة قمت اغسل الاواني وهو جالس على الابتوب
وظهري وجعني مرة قمت صرخت قالي خليها مين قالك نظفي >>>يعني اخلي البت مزبلة
قمت وحطيت حرتي فيه خاصمت وقلتلة ربي لاوفقك وانتة كذا ماتحس فية
حتى نفسي تقولي يلا نطلع نتمشى نغير جو ماتقولي
عاجبك حبستي في البيت لااهل ولاطلعة بس محبوسة
والله لو اقول الشمس ماقد شفتها لية شهر اكذب
وقام طلع راح لدوامة
نفسي افهم ليش الحمل الاول الرجال يشيلك من الارض وذحين والله حتى البوسة مايبوس الله المستعان

المهم اني ابغى اريح نفسي من هذي العصبية مادري كيف اقرى وادعي واقول اذكاري والقران بس شغال في البيت ونفسيتي في النازل تنصحوني اروح عند اهلي وبس
والله اكتب وانا ابكي دموعي رافضة توقف تعبت
احس حتى بطني متحجر من كثر البكاء والله لو تشوفوا عيوني كيف متنفخة من كثر البكاء لكن الحمدلله