كوبونات الراقية تسجيل الدخول

إحساسي الماس

*حالتي النفسيه* أبي نصآيحكم ويآرب توفق اللي تدخل وتسعد بآله

الأسرة والمجتمع •

السلام عليكم
صديقاتي وخواتي في الله راح أبدأ قصتي وإن شاء الله الاقي من يسمعني ويتابعني ..

بداية قصتي في الثانويه كنت مره إجتماعيه وفي اليوم الواحد اتعرف على 3 او 4 بنات
وعندي شله مكونه من 6 صديقات كنا نحب بعض بدرجه ماتتصورونها وقلوبنا على بعض لدرجه أن الكل يحسدنا على بعض ..
كنت فرفوشه وإجتماعيه حيل شخصيتي قوويه مااسكت عن حقي
كنت حركيه اضحك واسولف مع الكل الكبير والصغير يعني اجتماعيه والكل يحسدني على سعة صدري وفرحتي
:44:
تخرجت من الثانوي طبعاً .. وفقدت صديقاتي فقدت اللي أفضفض لهم ماعادت علاقتنا مثل أول لأن الله ماجمعني معهم بعضهم انقبلوا بالكليه وانا بالجامعه لوحدي
صرت إنطوائيه يعني مو مره بس مااتكلم مثل أول أخذت كل شئ بشكل جدي لدرجه إني تعبت نسيت كيف آنكت وأضحك واسولف وأطلع ..

نسيت أفرح اللي حولي . . ماادري وش اللي صاير فيني
أحاوول ابكي بس الدموع تعيي تنزل .. ولو بكيت مافي مكان أو متنفس اقدر أخذ راحتي فيه

يعني مضغووووووووووووووطه ولله ..
دراستي بالجامعه حلوه وعندي صديقه الله يخليها لي صحيح تفكيرها بعيد عن تفكيري بس اتحملها لأنها هي اللي لي في الدنيا ..
صحيح عندي بنات في الجامعه بس تعودت على صديقاتي واحاول ادور مثلهم مااحصل لدرجه أنطوي على نفسي
صرت مااكون صداقات , بارده مشاعري , هاديه بزياده رغم أنه مو بشخصيتي , جديه لدرجه تقهر يعني ماصرت انكت ,كله احس بغصه وابي اصيح مو قادره

أنا للآن متفآئله بس أحيآن تجيني لحظات وربي نفسيتي دمااااااااااااااااااااااااااار
آحب اطلع الناس من جو أحزانهم لكن لنفسي مااعرف, احاول اني اخليهم يبكون عشان يرتاحون لكن لنفسي
مااعرف
يعني مااعرف وش فيني بالضبط , تشوفون ان احتاج اني اقرأ على نفسي أو تحسونها عين ولله اني تعبانه وكتوووووووووووووووووووووووووووووووومه كتومه لدرجه فظيعه لدرجه اني اتعب انا من نفسي


مالقيت إلا أنتو اشكي لكم همي ولو كان سخيف بس تحملوني :35:
ولله تعبانه ابي نصآيحكم وكيف اتعامل مع الناس / كيف افرح نفسي / كيف أفرح أهلي , وادعولي

احبكم
ولله لايحرمني منكم
11
954

يلزم عليك تسجيل الدخول أولًا لكتابة تعليق.

تسجيل دخول

sweetgirl2005
sweetgirl2005 •
يااختي الصداقات بايام الثانوية غير الجامعة من تجربتي

لاتوسوسين مافيك الا العافية

الموضوع انك مالقيتي صديقة بمعنى صديقة حقيقية

الجأي لربك وادعيه يسخرلك الصحبة الصالحة

وعيشي حياتك مع زميلاتك لاتقوقعين نفسك ابدا

الله يوفقك
حفيده سليمان
حفيده سليمان •
الله يشــــــــرح صدرك

لااااتخلين سعادتك ومرحك وضحكتك متوقفة على صديقات باايام الثانوي

سعادتك انتي اللي تصنعينهـــــــــا

الله يوفقك ويسعدك



^
^
حفيدة سليمان
إحساسي الماس
إحساسي الماس •
sweetgirl2005 sweetgirl2005 :
يااختي الصداقات بايام الثانوية غير الجامعة من تجربتي لاتوسوسين مافيك الا العافية الموضوع انك مالقيتي صديقة بمعنى صديقة حقيقية الجأي لربك وادعيه يسخرلك الصحبة الصالحة وعيشي حياتك مع زميلاتك لاتقوقعين نفسك ابدا الله يوفقك
يااختي الصداقات بايام الثانوية غير الجامعة من تجربتي لاتوسوسين مافيك الا العافية الموضوع...
إن شاء الله بحآول والله يعيني
منوره يالغلا يسلم عمرك يآرب
حلاتي في قلبي
حلاتي في قلبي •
حبيبتي طلعي من بالك وساوس الشيطان...
والصداقة في ده الزمان شي مرة صعب ...
بس لو دورتي تلاقي...
بعطيكي دواء عشان الحزن الي في قلبك...
أذكري الله في كل الحين وترا أنا مجربة...
كنت زيك كنت أبكي من غير سبب...
وأحس بغيمة سوداء حوالين صدري ...
مأقدر أتنفس بس ذكرت ربي وارتحت...
جربي(سبحان الله وبحمده)100مرةيوميا
(أستغفر الله )100مرة يوميا
(الحمد لله)100مرة يوميا
(سبحان الله)100مرةيوميا
وأروع شي (لااله الا الله)100مرة يوميا
هاذي وصايا النبي عليه الصلاة والسلام...
جربي أسبوع وحترتاحي صدقيني...
((وحيده..بدنيتي))
((وحيده..بدنيتي)) •
هذا ياقلبي لأنك إنسانه وفيه ومخلصه بصداقتك فمن الطبيعي تحسين بهالإحساس لأنك ابتعدتى عن صديقاتك

فبما إنك إنسانه اجتماعيه وحبوبه كونى صداقات جديده وراح تلاقين بإذن الله مثل صديقاتك الماضين

وإذا لم يحالفك الحظ في تكوين صداقه جديده لاتحزنين وتتضايقين عادى لاتغيرين طبيعتك اضحكي واستانسى

ومع زميلاتك بالجامعه خليها زملاه فقط بحدود الجامعه بس وصديقاتك الماضين لاتقطعين علاقتك معهم واصليهم

بمكالمه أوزياره ولاتوقفين أوتربطين سعادتك بالناس كذا راح تتعبين لان الحياة تتغير ولا تثبت على الأشياء إلي نحبها

أو نتمناها لذلك لازم نجارى الحياة ونتعايش معها

أتمنى إنى أفدتك ولادوخت بكثر هذرتى :27:

وترجعين مثل أول واحسن