حالتي النفسيه يرثى لها كرهت زوجي وعيالي محتاجه مساعدة صاااادقه

زوجي وصلني لمرحله اني صرت افكر اسوي فضيحه او مصيبه عشان انتقم منه

السلام عليكم ورحمة الله 
كيفكم بنات يارب تكونو كلكم بخير وحب وسعادة 
واتمنى من الله انه يصرف عنكم وعن جميع المسلمين مابي من هم 
انا زوجه مخلصة الثانوية تزوجت قبل لا ادخل الجامعه بأقل من شهر ودرست فيها شهر وحملت وتعبت وسبت الدراسة !!!!!!!!!!
كنت مكتفيه بزوجي وانه راح يغنيني عن كل امور الحياه والحين صار لي مايقارب 8 سنوات متزوجه وعندي 3 عيال وحامل بالرابع 
اعماني الحب والكلام الزين في بداية زواجي 
ومرة ع مرة لقيت نفسي عايشه معاه بدون اي شخصية ولا لي قدر ولا احترام 
ع اتفه الاسباب يلعني ويلعن اهلي ويسبني بكلام مررررر ومرات يضربني 
ويدعي عليه واصبر مرة واثنين وفي الاخر انفجر فيه واسوي حاجات غصب عني زي مثلاً اني اصرخ بأعلى صوتي والجيران يسمعوني او اني وهذا ناادر اكلم اهلي واشتكي عليهم << ماقد سويتها الا مرتين بس لانه انسان مااايحب اي مخلوق يسمع بمشاكل بيته او يظهر قدام اي احد بصورة غير اللي هو ظاهر فيها قدامهم 
هو قدام اهلي والكل انسان محترم يحب بيته وعياله ولا يرضى عليهم باي نسمه توجعهم 
وهذه حقيقه 
لاكن مرات يقلب عليه ويهين فيه وفي اهلي ويسمعني كلام حااااار ويذلني حتى بلقمتي ولبسي 
ااااااه يارب خذني وريحني من هالذل اللي عايشة فيه 
والادهى من كذا انه يعلم عيالي ع اهانتي 
ويقولهم ماما حمار هذي مو ماما لاتقولون لها ماما راح اجيب لكم ام احسن منها 
كل هذا لاني زعلت من لعنه وسبه ليه وصرت اعانده في بعض الامور ولا اكلمه ويبغى يضربني بس مهدد بصوتي اللي راح يفضحه وكمان بأني راح اكلم اهلي واسوي مشاكل 
انا والله مااحب اشكي لاحد ولا حتى لاهلي ولا لقريب ولا لبعيد 
بس احس اني بموووووت والله بمووت ابغى افضفض وابغى اصون نفسي وكرامتي وما اخسر عيالي 
انا اعترف اني ضعييييفه وماعندي شخصيه وثقتي عدم بسبب العيشة اللي معيشني فيها 
مع اني الحمد لله ساكنة في فله وافخم اثاث وافخم سيارة بس هذا كله ابداً مو حاسه ولا انا مستمتعه فيه تدرون ليش ؟؟
لاني لحااااالي ماحد يجيني ولا اروح لحد ماحد يعرفني بهالديرة اللي صار لي فيها 6 سنوات ولا اعرف فيها احد 
وحييييدة صرت لا شفت حريم بالاماكن العامه احس باحساس غريب خوف ع خجل ع اني ابغى اشوف كيف اشكالهم واضل اكل في نفسي وانا متنحه فيهم احس اني مو في الدنيااا ابد 
وكل هذا بحجة الغيرة 
يغار ولا يحب اني اتعرف واخالط الناس الى ان سبب لي عقدة نفسيه ومرات يقول مو فاضي لدخلتهم وخرجتهم وانا ما احب الزيارات ووووو اكرهه اكرهه اكررهه 
تصدقون احس ان مشكالنا ماتجي الا في المناسبات !!!
اي مناسبه كانت اذا بشرى حمل تصير فيها مشاكل بعيييدة طبعاً عن موضوع الحمل 
حتى وانا نفاس تصير مشاكل ومرات يمد يدة عليه وفي الاعياد وفي رمضان واذا شرى سيارة واذا شرينا شي كبير ومفرح والحين مع دخول عيالنا المدارس لاول مرة الكبير اولى ابتدائي واخته تمهيدي  
لاااااازم تنتكس فرحتنا بمشكله ومشاكلنا كلهاااا اهانات ليه وانا اعصب وامد البوز وبدت الخلافات 
وكمان لانه يعايرني بهالاشياء سكنتك في بيت ماتحلمين فيه 
عند اهلك تلبسين هالبس 
ابوك عمرة قد شرا لك زي كذا 
اذا رحنا مطعم او جبنا اكل فخم  من برا يقولي عند اهلك بتاكلين كذا 
او لو انك عند اهلك ابوك بيجيب لكم زي هذا الاكل !!!!!
اذا سويت شي زين ابداااً مايعلق او يعلق بطريقه جاااارحه 
واذا سويت شي وفشلت شوفي المرمطة والشرشحه قدام عيالي وماما ماتعرف وماما بقرة وماما ( الفاظ بمنتهى التجريح )
ويضحكهم عليه وانا ع طول دموعي تنزل 
يقوم يجي يضمني ويعتذر من غير مايشوفوه عياله مادري ايش يقصد من هالشي ولدي بكري عمره 6 سنوات دااااايم اذا سبني وجرحني قدامه وقدام اخوانه وحس انه غلطان وجا يعتذر ويبوس وويضم ع باله يراضيني ،، اذا شاف ولدي يناظرنا يتحول كل هذا لوحشيه بدال البوس عض وبدال الضم قرص وبدال الكلام الحلو كلام جاارح ويمر من عنده ويقوله ماما كذا وكذا
ليش طيب ؟؟؟
اقوله الولد هذا اذا ماتوفق في حياته الزوجيه بتكون انته السبب بالعادات اللي قاعد تغرسها فيه 
يعني عادي يشوفك تظربني وتهينني 
وصعب عليك يشوفك تعتذر !!!
والله اكرهك ياحقير 
احس مرات ان زوجي يحبني ومررة يتكركب اذا زعلت منه بس اتوقع هو فاهم الحب غلط او انه عنده عقدة نفسيه 
  قبل ايام صارت بيننا مشكله صغيييرة وكبرها وسب ولعن كالعادة ومد يدة انا عصبت واتصلت في امي ابكي ومنهااارة 
وهو جن جنونة ليش اتصل واطلع مشاكلنا برا البيت واخذ الجوال مني وطمن امي انه شي بسيط وبنتفاهم عليه وجالس يراضيني ويحب ايديني ويعتذر  
امي خافت وراحت اتصلت في امه وعلمتها السالفه امه اتصلت فيه وتساله ايش السالفه طلع لها بلاااوي واني واني واني وتعلمه اني ابد مايجي مني كذا وهو لااا هي وهي وهي وفي الاخر تقوله روح راضها ولا حد يسمع عنكم شي تخيلو ايش قااال !!
قال لا ماابيها تجلس عندي الحين احجز لها وتروح عند اهلها وتكلمه وتهديه وهو خشمة في سابع سما وقفل المكالمه وجاني زي الذليل يعتذر وخذي مني هالمبلغ واخر مرة وانا بسوي لك وبوديك وخلاص ومادري ايش؟؟؟ 
طيب ليش ماقلت لامك هالكلام كرهتتتتتته يومها 

وظلينا حول ساعه ونص وهو ماخلاني ولا دقيقه عشان ارضى عليه لاني لميت ملابسي وحجزت طيران وبعد اربع ساعات الرحله 
وهو يبوس هنا ويبوس هنا وعشاني وعشان عيالك ،،،،واتصلت امه ؟! سالته ها تراضيتو ؟
قلب انسان ثاني وقالها تراضينا ولا عساها لا رضت بحجزلها الحين وتسافر !!!!
طيب انا حاجزه كانك رجال قوم ودني المطار
ليش يبين لاهله وللكل انه مستحيل يعتذر او يحاول يصلح غلطه 
وفي الاخر يوم شافني واصله حدي منة قال شوفي والله اذا وصلتي للديرة وعرفة الناس باللي بيننا ماعاد ترجعين عندي لو ايش مايصير لاتفكرين اني بجي وارضيك !!!!
قلت له مابيك تراضيني ولا شي ودني بس رجع يحاول فيني اللين رضيت ومرت الايام 
والحين ناخذ اغراض لمدارس العيال وجا وقال باقي تبون شي قلت خلاص مانبي بس انا ابي عبايه ممكن توديني واحنا هنا متزاعلين من امس لانه انكب شوية عصير بالسيارة ومابقى ولا خلى فيني عرق سالم 
سبني وجرحني واهانني 
وانا والله كان غصب عني .،،،مرينا كوفي اخذ 4 موكا وكلها في يدي وبنتي في يدي 
اعطيت العيال اثنين وواحد له وواحد مسكته البنت وانا محرصه لا تكبه وماسكته معها وهي تصرخ تبي تمسكة لحالها والكوب كبير وممكن ينكب شوي وجا الولد من ورا وحط كوبة عندي ويقول مابي هذا. ابي الثاني ومسكت كوبة بسرعه لاينكب وماسكة بنتي لاتطيح مني وانحست وحطيت كوب ع متكى السيارة ومال شوي وانكب عالسيارة شوووي تقريبا ملعقتين وقاااامت علي القيامة لدرجة انه رميناها كلها ماشربنا منها شي وخاطري مكسوووور منه واليوم كارهته وماكلمته ابد حاول يراضيني وانا مو طايقه اشوف وجهه 
وع المغرب قلتله اني ابي عبايه قال يالله 
ومشينا للسوق وابد ماكلمتة اذا كلمني ارد ع قد سواله واسكت وبعدين قال ليش زعلانه ترا برجع وما اشتري لك شي قلت والله اذا بتشتري فهو من حقي ماتمن عليه فيه عصب وقال اي حق حقك عند ابوك عندي مالك ولا حق ورجعنا البيت وطول الخط سب ولعن وانا ساااااكتة 
كل هذا يروح وينتسي لاني قلبي طيييييب وما احب المشاكل بمجرد مايضحك في وجهي انسى كل الاهانات 
ادري غبيه وماعندي احساس بس عجزت اغير هالطبع عجزت احقد عليه واخذ حقي منه فأنا هنا حاااابه اني اتغير وابي وحدة قووووية تعتبرني بنتها او اختها وتشد عليه اللين اتغير 
ابي يكون لي استقلاليه لاني اتوقع اننا ماراح نطول مع بعض فاأبي اسس حياتي من بعده من الان وحتى ان ظليت معه ابي اكون معه بكرامتي ومايذلني بشي 
السالفه ان زوجي مسجل اسمي بوضيفه وانا في البيت وينزل لي شهريا راتب والراتب هذا في جيبه مااقول مقصر علي لا والله ولا على عياله بس ذااالني وانا مابي هالشي 
وبالتالي ماقدرت اسجل في حافز ولا قدرت اشوف لي وضيفه اتسلى فيها وكل ماقوله خلاص تعطيني كل شهر الفين من الراتب زي مالناس ياخذون من حافز وهذا من حقي يعصب ويقول ليش يعني انا مقصر انا وانا 
او انه يضحك عليه ويقول خير خير 
يدري اني غبيه وبنسى السالفه لاني مااحب الزن 
والحين افكر اقوله يسحب اسمي وبسجل في حافز وبنتظر الوظيفه اللي تجيني وبتوضف وبعز نفسي عنه 
بس المصيبه انه هالفكرة جات وانا معصبه واذا كلمته فيها بيعتبرني لاني معصبه وبيراضيني وبنسى الموضوع او انه يعصب عليه وانا بسكت كالعاده 
وبيرووووح عمري كذا 
فاللي ابغاه تجي وحدة تساعدني ع نفسي وتقويني وتزن عليه كل يوووم اللين اسوي اللي ابيه وماراح انساها من دعواتي ما حييت 
ولا تقولون كلمي احد من اقاربك مستحيييييل ابداً ماأقدر لان الكل يقولي سجلي في حافز وانا اقولهم انه رافض ع كلامه 
لانه ماحد يدري اني موظفه يخاف من الطمع !!!
انتظر اخت حااانيه تمد لي يد العون فأنا في حاله قاربت ع الجنوووووون:44: