حالتي صعبة ومتكررة !! محتاجة حلولكن

السلام عليكم ورحمة الله وبركاته
والله ما أدري يا أخواتي وشلون أبدأ :44: حاسة بضيقة ورأسي مصدع والسبب زوجي :arb: كل ماتذكرت تجريحه لي بين فترة وفترة أموت من القهر ، ودمعتي ما توقف :icon33: كل ما حاولت أنسى كلامه اللي مثل السكاكين لازم يتصرف ويسوي شي يذكرني بالماضي ، أحاول أرضيه بس غصب يبين علي الضيق وهو الحين متضايق مني ومن وضعي ونفسه يعرف أيش فيني ، بس أنا ملازمة الصمت لحد ما أروق وهالشي هذا متعبني ولو صارحته وناقشته تعقد الموضوع أكثر ، أنا من جد كرهت نفسي وتصرفاتي والله يا ناس كرهت الطلعات والتمشيات ومهما لبست وحطيت مكياج ما يبين علي إذا صرت متضايقة ، انقهر من عدم أهتمامه بمشاعري وتطنيشه لي بعض الأحيان ، رسائل الجوال اللي أوضح فيها وضعي قطعتها وما عاد أرسلت لأنه يرسل ردود مثل السكاكين تطعن بالقلب ، حاولت أكتب له برسالة خطية وما لقيت منها فايدة بالعكس انقلب علي بعدها ، لزمت الحين الصمت والبكاء لوحدي :icon33: والله العظيم كرهت كل شي حولي وما أحس بطعم الحياة ، أسأل الله العظيم أن يفرج عني ويزيل كربي ويشرح صدري وجميع المسلمين والمسلمات ، أشيروا علي يا أخواتي فحالة الإكتئاب لا تفارقني إلا قليلا ومن ثم تعود إلي ، ولا تنسوني من دعائكن جزاكن الله خيراَ ووفقكن لما يحب ويرضى ..