حالتي غريبه بموووووت من الضيقه مافيه شي عاجبني

فالبدايه اخواتي انا حالتي كل مالها في زياده مع اني اشغل البقره وارقي نفسي بس مدري وش فيني
عندي بنت وولد ربي يحفظهم لي وصغار باقي سنه. والولد ثلاث سنوات
عندي أختين اصغر مني
امي قريبه مني الحمدلله واستشيرها كثير
زوجي انسان طيب وكريم بس احسه خجول زياده مع الناس خاصه مع اهلي ماعرف ليه انسان عايش ليومه
مايفكر كيف ندبر أمورنا اللي معاه يعطيني هو
انا عمري

مشكلتي ماااااعاد فيه شي عاجبني احس اني صرت انسانه نكديه اموت ع الزعل والبكي وأكره الخرجات عكس اول تماماً قبل أتزوج
صايره بس افكر فالناس اقول ليه محد يحبني
علاقتي رسميه ومحترمه مع كل الناس مافيه أحد قريب مني حتى اخواتي عادي
الكل يقول عني متكبره وانا يششششششهد علي ربي ما فقلبي شي لا كبر ولاشي
وحتى لو بكون مع الناس ميانه مقدر شخصيتي كذا ربي خلقني كذا اضحك واسولف بحدود
اهل زوجي اروح عندهم شايلين علي ويتكلمون مع الناس عني وانا واللي خلق أطفالي اعتبرهم اهلي
وارجع لزوجي ابكي يقولي ماعليك مو اهم شي انا
تجيني لحظات اكره زوجي احسه ورآه بلاوي مع اني ماقد شفت شي منه اخر مره تزاعلنا وقلت له انا عندك شي فالجوال مغيرك عصب وقالي خذي وفتشت جواله مالقيت شي انحرجت من نفسي
مدري وش فيني بس حزينه ومنضايقه نفسي اعرف تفسير حالتي
احس بحساس مر ان محد يحبني وربي رجعت كني طفله
وبس معصبه وزوجي كويس خايفه اخسره
اكره الأعياد من الحين شايله هم العيد
مع ان الكل يزورني فالعيد واللي مايزور يدق علي
بس مدري فاااااااقده شي مدري وش هو
احس سبب اللي انا فيه اهل زوجي لأنهم يتكلمون وانا مالي ذنب
واحيانا اقول من زوجي مو اجتماعي وصرت زيه


مدددددري وش حالتي حاسه اني افقد نفسي
انصحووووووني