حالتي غريبه عجزت القى لها تفسير

السلام عليكم ورحمة الله وبركاته
انا يابنات حالتي غريبه وعجيبه وعجزت افهم وضعي الصحي
انا بحاله مايعلم فيها الا ربي
انا يئست من مراجعات المستشفى وملييييت
السالفه بدايتها انا وزني 50 وان زاد اصير 51 او 52 او 53 وان نقص مانزل عن ال50 الا كيلو بس
ولاحظت انفتاح شهيتي بشكل مو طبيعي ومع ذلك وزني ينزل بسرعه وبشكل غريب
لين نحفت حيل ووجهي صار مو حلو وتغيرت ملامحي وتعبت اكل حيل بحياتي ماحسيت بشهيتي كذا
من غير اني نايمه طول الوقت ولا اشتغل بالبيت ومن اصحى اكون تعبانه حيل واكثر شي رجولي يوجعني وباقي جسمي كاني مكسره تكسير وماسوي غير قهوه وارجع انسدح والباقي مطعم
عيالي مهملتهم ماحممهم دايم اقعد شهر يالله احممهم ماني قادره ابكي من الالم والتعب
وزني حاليا 46
لما طلعت نتيجة تحاليلي طلعت فيني غده درقيه
وتوقعت انها الي تنحف
وعدت التحاليل مره 2 بطلب من الدكتور وطلب لي تحاليل هرمونات ثانيه
وطلعت النتيجه الي عجزت افهمها
1_ان معاي خمول بالغده الدرقيه
2-نسبة فيتامين د 3 يعني نازل مره
3-ارتفاع هرمون الحليب
فقلت كيف خمول ووزني ينزل واستغرب الدكتور قال حالتك عكس مفروض يزيد الوزن والدكتور رفض يعطيني حبوب للغده يقول اذ خذيتها راح اخذها طول العمر بس عطاني لفيتامين د
وطلب لي اشعة رنين للراس وسويت تحاليل ثانيه وتحليل خاص للكلى عشان الاشعه
ولسى انتظر الاشعه واشوف وش يقرر الدكتور


انا تعبانه نفسيتي كيف معاي خمول ووزني ينقص من سمعت بمثل حالتي
ودعواتكم لي بالشفاء