حالتي غريبه .. من مثلي ؟؟؟

السلام عليكم ورحمه الله وبركاته ..

حياكم الله وحده وحده وان شاء الله تكونوا باحسن حال ..

بناااات انا مالي غيركم اشكي له .. اخاااف اشكي للناس اللي حولي يشكوا في عقليتي ..

يابنات الخوف المرضي جنني خرب حياتي ..قبل زواجي كنت مضرب بالشجاعه كنت

اروح اسياب مظلمه بنص لليل ماعندي مشكله ابوي كان يناديني (( الولد )) من فجعته فيني

والله ما احسب واتفرج على افلام الرعب بلحالي عاااااااادي ..

بس تزوجت واخذت فتره بدا الخوف شوي شوي يعني لما اشتغل بالبيت وزوجي مهو موجود

بس اتلفت يمين يسااار واتعوذ من ابليس واكمل لحد مايرجع زوجي ..

بس حملت ببنتي وجبتها جتني حاله اكتئاب ونفسيه زفت من الوضع الجديد قلت يمكن طبيعي

بس يابنات الان ما اقدر اتحرك من مكاني اذا كنت لحالي عايشه حاله رعب يمكن من سنتين

المجلس عشااانه صاد عن الشقه شوي ما انظفه الا اذا كان عندي احد ويومي كله اتلفت اذا

اظطر زوجي يخرج اقعد بنفس مكاني ما اتحرك وقلبي يضرب بقووه لحد مايجي وحاله ماني عارفه

كيف اوصفها والله ياخواتي لدرجه غرفه النوم هجرتها ماقدرت انام فيها بس يوجعني قلبي واتلفت

واللي محطم اعصابي اكثر انا مو عارفه الخوف كله من ايش الحمدلله انا عايشه عند اعمامي بشقه مستقله

والله مراات احس بتضارب في المخ اكون بقمه الخوف واكلم نفسي اقول من ايش !! من ايش!!

ماتتخيلون حياتي قد ايش ربطها الرعب صرت انعزاليه ما عندي صداقات برى العايله اللهم اخوات زوجي

واهلي ..

بالله عليكم ايش اسوي مرره جربت شغلت سوره البقره بالمطبخ لما كنت اشتغل بغى يطيح قلبي من الرعب ..

استغفر الله قاعده اتخيل الشياطين من حولي تهرب من حوالي ماتحملت قمت هربت انا !! والله من جد مو ضحك

كثير انقد على نفسي .. وانا اكتب الموضوع قاعده اتلفت يمين يسار بسم الله علي .. اهئ اهئ اهئ حالتي حاله

.. ارجوكم تساعدوني اذا فيه زي حالتي وايش العلاج وادعولي ان الله يرفع عني ولايبتلي مسلم ....


(( لااله سبحانك اني كنت من الظالمين .. استغفر الله لي ولكم واللمؤمنين والمءمنات الاحياء منهم والاموات ))