حالتي كل يوم تزيد سوء

اهلين بنات ادري اشغلتكم بمشكلتي بس شسوي مالي الا الله ثم انتم بنات انا قد كتبت قبل اني صايد العصبيه خلق عيالي وزوجي الحين زادت حالتي مره صايره بس متوتره وقلقه وفيني خوف وابد مالي خلق عيالي وبس العن واشتم ماادري وشفيني والله احيانا اتمنى اموت وارتاح صايره مره عصبيه ومتوتره حتى زوجي مالي خلقه وجهي صاير اصفر وشاحب حتى اذا شفت زوجي مدري وش يجيني مالي خلقه وينرفزني مع انه مايسوس شي يضايقني بالعكس يحاول يوسع صدري بس مدري ليش انا كذا احيانا احس انه يمل مني هو يتكلم معي باسلوب وانا صايره جفسه معه يقولي اسلوبك اسلوب ععرابجى ومغذره يابنات من الكلام الي بقوله بس اذا قرب مني صايره مااستحي واتهرب منه واحيانا اتافف ماادري ليه يصيرلي كذا اااااه يابنات مره مره تعبانه مهمله بيتي وعيالي ماادري ليه يصيرلي كذا حتى صايره صلاتي ثقيله علي اول اذا صليت ارتحت والحين كله واحد واول اذا دعيت ولا قريت قران ارتاح بس نفس الشي كله واحد الحين
صارلي اسبوعين ماانام ونمت يوم واحد عقب زين والحين رجعت نفس الشي انام بس كل نومي حلوم وكوابيس لاحول ولاقوة الابالله مدري وش يصيرلي والله خايفه زوجي يطفش مني عيالي احيانا امسك نفسي واحاول اهدي نفسي عشانهم مساكين مالهم ذمب وبعد يابنات مااحب بيتي اذا قعدت يوم اتنرفز زياده ابي اطلع كل يوم المهم مااقعد فيه
بنات الي ماعندها رد تدعيلي جزاه الله خير ان الله يصلح بحالي