حالتي مخوفتني

السلام عليكم ورحمة الله وبركاته
من فترة انا رحت حفلة عشاء وقبل ما اروح طلبت من بنت خالتي انها تسشور شعري وكنت قريب عاملة له صبغه تجنن والكل متجنن عليه.المهم لما رحت العزيمه بعد قالولي انه شعرك يهبل و نحنا نتمنى انه عدنا مثل شعرك وانا من الهبل كنت فرحانه بس لما رجعت البيت كنت وايد متضايقه بدون سبب والاغرب انه في اليوم الثاني بدت الاعراض الغريبه تظهر علي. قمت شوي شوي اتعب وتظهر علي اعراض العين بدء شعري يتساقط انا في البدايه طنشت بس بعدين بدء الموضوع يكبر؟
قمت ابكي بدون سبب ومتضايقه على طول ما احب اطلع ولا اسوي شي دايما جالسه لحالي قالت امي يلا نروح عند وحده عشان ترقيني لما رحت وبدأت بالقراءه بديت ابكي بكاء من داخلي وكنت ابغي اوقفه بس ما اقدر وبعدين قالت لي انك معيونه وبسبب العين صار لك مس. ونصحتني بالسدر بديت استخدمه بس بعدين لاظت انه شعر الحاجبين ايضا بدء بالتساقط وهذا اللي خوفني اكثر واحس دائما بتنمل في الجسم واحيانا لما اتعب ابكي واصرخ واقول لهم الله يخليكم قصو شعر عشان ارتاح بس احس اني مو انا اللي اقول هالكلام ولين الحين ووانا على هالحال واهلي كلهم متوترين وانا احاول دايما احصن نفسي بالرقية الشرعية . هل هذه اعراض طبيعيه بسبب العين وهل من العين يمكن يصير المس ؟ وهل هالشي يمكن انه يزول بامر الله طبعا؟ لان خالتي تقول انه هذا الشي يبقى طول العمر وهذا اللي مخوفني اكثر. ترا حالتي حاله وانا ما اقدر انام زين ودايما اشوف كوابيس مثل حيوانات تخوف او ناس سود الله يخليكم طمنوني ؟