حالتي مزريه تكفون ادعولي انا في هم كبير 😢

السلام عليكم يسعد صباحكم جميعا

انا يا اخواتي عمري 26 سنه عندي 5 اطفال الله يحفظهم لي قبل شهر ونص تعرضت لصدمه نفسيه قويه في يوم 9 /7 كنت في بيت اهلي زياره وكنت جالسه مع امي وابوي نسولف وابوي يلاعب اولادي كالعاده وتعشينا سوا وكنا نشوف التلفزيون على قناة القصيم محاظره عن الاخوات المهم هذيك الليله رجعت بيتي على الساعه 11 وسهرت مع زوجي لحد الساعه 3 هو نام وانا جلست مواصله اشوف مواضيع في هنا بس ماكنت مسجله المهم الصباح الساعه 7 اتصل فيني اخوي الكبير وهو في نجران واحنا في منطقه تابعه للباحه المهم قالي وهو مفجوع صحي زوجك يروح يشوف ابوي امي كلمتني تقول طاح كيف طاح ما ادري لان امي اتصلت فيه بالغلط كانت بتكلم ولد عمتي ولان الاسماء متشابهه غلطت وانا صحيت زوجي وهو جلس يمشي بهدوووووووء ويدور الولاعه والدخان والجوال وانا اصيح فيه اقوله الحقهم بسرعه شوف وش صار ويقول وش بيصير يعني لو مات بيجيك ورث وحركات يتريق وهو اصلا خاله اخو امه وراح وانا على اعصابي خفت ان ابوي جاه جلطه او طاح وانكسر او اغمي عليه كنت مفجوعه مابقى فيني عرق ينبض تجمدة اطرافي هذا ابوي خفت عليه وزوجي راح لهم وشاف زوج خالتي اخذه في سيارته وراح المستشفى وزوجي مالحقهم وانا اتصل فيه واتصل في اخوي طبعا اخوي مايدري وش صار وزوجي للحين ماعرف شي وراح لابوي في المركز الصحي اقرب شي لنا ومن بعدها زوجي معد كلمني وبعدين اتصل فيني وقال روحي بيت اهلك صحي الاولاد وروحي لامك بسرعه انا خفت وقف قلبي قلت طيب طيب خلاص وقفلت شوي رجعت كلمته واعرف زوجي صوته متغيييير قلتله ماراح اقدر اخذ الاولاد باخذ النونو واروح ورحت مشي لعندهم الساعه 9 وولدي الصغير معاي اخذت تغييرات له وحليبه ومشيت بسرعه وحرر والشمس في وجهي وولدي يبكي وانا بموت جوع وتعب ونوم وخوف والله اني امشي واوقف احاول اخذ نفس ما اقدر واحاول اكمل واضغط على نفسي وامشي حسيت ان ابوي فيه جلطه او شي المهم وصلت وانا منهااااااااااااره وخايفه وحصلت امي وخالتي وعمتي ام زوجي اللي هي اخت ابوي وجلست معاهم وهو يسولفون عن ابوي انه داخ وطاح وانا ارتحت شوي واسأل امي اقولها يمه انتي متأكده ابوي بخير وتقول ان شاء الله يارب ماندري للحين جلست ارتجف ساعتين الا جاء زوجي وعمتي طلعت عنده وقالتلها وش فيه خالك ما امداها يقولها شي الا انا طلعت اسأله وش فيه ابوي قالي خالي توفى .........










انهررررت بكيت بأعلى صوتي طحت مكاني وزوجي شالني وجلسني وامي كانت في غرفتها جت تركض وتقول وش فيك ياساره وش فيها قال زوجي البقيه بعمرك ياخاله وانا ماني حولهم الحزن اخذني لمكان اسود مظلم احس كل شي حلم ادعي اني اصحى منه صرخت وبكيت ودعيت اني اصحى من الكابوس جلست لظهر على هذا الحال احس انه كابوس ليش ماني قادره اصحى ليش بعدها بنت خالتي كانت عندي تحاول تصبرني مسكتني وقالت تعالي غسلي وجهك وتعوذي بالله من ابليس انتي انسانه مؤمنه وهذا قضاء وقدر انا بلاشعور قمت معاها رحت للمغسله وحولي حريم كثير اول ماوصلت دخت يابنات وطحت مكاني وقاموا يصارخون بوجهي وامي تبكي ويقرون علي اية الكرسي بس كنت اشوف وجه امي وانا مو قادره اتحرك شالوني على غرفة اخواتي وحطوني على السرير وناس يكب في فمي عصير وناس يشل يدي ويروح ويرفعون رجولي احس فيهم بس ماني قادره اسوي شي لنفسي ابكي بس تحس دموعي تنزل وانا شبه واعيه شوي وصحيت وانا مستغربه من اللي يصير حولي جلست لليوم الثاني ماني مصدقه اقول كلكم كذابين الله لايسامحكم وابوي الله يرحمه في ثلاجة الموتى قالولي الدفن بعد صلاة الظهر او العصر وانا اصلا ما ادري اي وقت كنت فيه وبعدها قالولي الحين بيجيبونه لازم تشوفونه وتتودعون منه طلعت انا واخواتي بعباياتنا للمجلس لان كان فيه رجال مع اخواني وعماتي وما ادري مين كل همي اشوف كذبتهم وطول الوقت اقول لنفسي كذابين ان شاء الله ربي يصبرني عليهم واول مادخلت شفت الحاف الابيض وقالت يااارب صبرني ودخلت شفته شفت ابوي سندي وعزوتي اغلى انسان بحياتي مربوط وجهه ولابس روبه لسى مو مكفن كنت اقول في نفسي ليش يمثل معاهم ولما لمسته كان بااااارد مثلج بس عادي سلمت عليه اكثر من مره وانا مصدومه مصدقه ومو مصدقه فجأه انهررت اشد من قبل واخواني يمسكوني وما ادري مين وسحبوه مني بالقوه تخذوه للمغسله ومن وقتها احس كل شي ناقص كل شي مظلم كل شي حلو راح اختفى رضيت بالقضاء والقدر بس من وقتها تغيرت تغيرت نفسيتي تغير اسلوبي تغيرت في كل شي صرت كثيرة النسيان انسى تقريبا كل شي اسويه ماني مرتاحه ولا مبسوطه ولا خفف حزني شي ادعي له وانا احس انه بيرجع مره ثانيه المشكله اني انسى كثير وزوجي متضايق مني وكل اللي حولي يهايروني بسبب النسيان وانا تعبت كل شي انساه نادر ما اتذكر ادعولي ان ربي يصبرني وترجع لي ذاكرتي زي قبل