حالتي مع هالدنيا اللي عجزت اتفاهم معها

اول شي حابه اقوله يابنات اني من النوع اللي في قلبي على لساني ومااحب اقلب الحقائق يعني الغلط اللي اشوفه ودي اغيره باللي اقدر عليه حتى احيانا احس ان اللي حولي يعتبروني مجنونه عشان طريقة تفكيري غير مااعرف اجامل والنفاق اللي يصير قدامي مااطيقه ابد بس في نفس الوقت شخصيتي ضعيفه عشاني حساسه بزياده لا كن ساعة الظلم مااقدر اسكت حتى لو كان المظلوم عدوي احب اوقف معاه حابه اقولكم قصتي انا اول شخص خذلني في هالحياه هي اختي اللي اكبر مني كرهتني كره مااظن ان فيه قلب حي يتحمله لسبب بسيط جدا لاني تزوجت قبلها والله يابنات خلتني احس اني معتوهه وناقصه والمشكله ان غيرتها مني مااحد شايفها غيري ومااحد حاسس فيها كثري اللكل يعتبر ان الامر عادي اشوفها تنافق الكل قدامي واسكت مع انها من وراهم تتكلم عليهم وتسب وتشتم والكل منبهر في اسلوبها ومعتبرها شي بينما هي بالنسبه لي انتهت من حياتي ماعدت احس بالاخوه اتجاهها لدرجة اني مااحب احط عيني بعينها ابد والمكان اللي هي تجلس فيه انا اطلع منه مالقيت اي احد يفهمني في العايله الكل بعيد عني صدق الدنيا فيها العجب الناس صارت ماتتعامل غير بالظاهر وبس بس والله يابنات من جوا قلبي محروقه وحاسه بغصه ماني حاسه اني سعيده بحياتي ومافيه احد يفكر فيني ويعاملني كبشر الله يخليكم يابنات اوقفوا جنبي ولا تخلوني ودي بااخوات وصديقات اعرفهم ويعرفوني مايحبوني لمصلحه ابغاهم يكونون حابيني لنفسي عرفت بنات بالنت بس كل وحده مع الوقت راحت في حالها ومابقى لي احد قريب ماابي اصير مع الوقت وحيده ابي لو بس صديقة وحده