حالتي من سوء إلى سوء مع أبوي ! و نفسيتي تعبت

السلام عليكم حوائيات اليوم انا جاية افضفض ليكم و ماعنددي بعد الله غيركم
ضاقت فيني الدنيا خلاص ما صرت أميز الصح من الغلط ،، صرت أسوي الصح ينقلب علي بالعكس يعني لو أكذب ابرك لي
أنا طالبة في السنة أولى جامعة عمري 19 سنة
أنا من الشرقية و أدرس في الشرقية و ساكنة في بيت أبوي ،، وصاحباتي وكلهم يدرسوا في الرياض ...
من شهرين جبنا سواق عشان مواصلات الجامعة و كذا .. و هنا تكمن المشكلة .. أبوي رجل أخلاقه مع الناس جدا عالية لكن معاي ((بعد)) دخول الجامعة تغير كثييير كثييير ، دايماً يفكر إني أتكبر عليه أو إني أحاول أمشي كلمتي عليه لأني أنا دخلت الجامعة
حالتنا المادية الحمد لله جيدة و إن كان في بعض المعاناة مع ديون البنيان وأمي كمان معلمة ... ولكن المشكلة من لما جا السواق كل ما اقول كلمة
يقول ابويي "شافت حالها علينا لما دخلت الجامعة ، لا أودي السواق و أخليك تروحي و تتعذبي مع الباصات " دايما يقولها لي و أحيانا تكون مصحوبة بكلمات مثل " مالت عليك " ، " قومي روحي لا أشوفك " ، " مالت عليك يوم دخلناك هالجامعة " مع العلم ان الجامعة حكومية و ما هو دافع شي من جيبه بالعكس دخلتها بتعبي و جهدي
....... دايماً حاط باله و بال الجامعة
بنات أنا صرت مجرووحة أنا تخرجت اللعام من الثانوية من العشر الأوائل على المملكة و كان عندي طموح
,,معاي نسيبتي في الجامعة مثل سني و نفس التخصص نفس الكلاس و اسمها نفس اسمي و نفس العايلة
احس عيون الناس انحطت علينا ، أحس حالي محسودة ، حتى ما أعرف أذاكر والله اكتب لكم و أنا أبكي و أحس صاحباتي يحسدوني لأني ما تغربت مثلهم والله أكلمهم أعزمهم ابي اشوفهم و عندي اختبارات بس عشان عيونهم أترك دراستي بس يفشلوني و يجيبوا حجج ما لها داعي !! كأنهم يقولون إنتي شبعانة من أهلك و ما تبينا نشوف أهلنا ! ،، ما دروا إني صرت غريبة بين أهلي :44:
أبوي تغير عليي حيل حيل حيل ، أبوي مو ذاك الإنسان اللي اعرفه الحنون اللي يسأل عني صار وحش تخيلوا انه اليوم ضربني و طردني من المجلس و سبني :06:
و طرد أمي و سبها كمان ،والله العظيم أول مرة يسوويها في حياته ="""( كل هذا لأن كنت أبي أروح المول و الله انه قريب بس ثلث ساعة و باخذ معاي أخوي و بنروح مع السواق و لكن الشيطان دخل و خلاها تصير مشكلة عويصة . و يرجع الوالد من هالسالفة لسالفة السواق والجامعة و شفتي حالش علينا :44:
أساساً صرت أفكر بالزواج و أطلع من بيت أبوي و أفتك من هذي الحالة بس ساعات أقول يمكن الله يبلاني بواحد يعيشني بأسوأ من هذي الحالة :08: أنا الحمد لله في بيت أبوي ما دتنا مكفيتنا و عايشين حالنا حال الناس العايشة لكن العذاب النفسي كل يوم يزيد علي
حظي كله انقلب فوق تحت ،، من دخلت هالجامعة أنا أكبر وحدة في أخوتي و أخواتي ,, ف أمي و أبوي أول مرة يصير عندهم ابن او ابنة في الجامعة ! لكن وين الغريب في الموضوع أحس إن الوضع طبيعي جداً ليش المشاكل جالسة تجي من لا شئ
تخيلوا ان حتى الشاب اللي يفكر يتقدم لي تصير له مشاكل !!
أعرف احد من أهلي شاب ما عليه كلام ..سألوا عني اهله كثير كثير كثير لدرجة إني عرفت انهم يسألون عني لولدهم و أمي و أبوي و عمتي و خالتي عرفوا !! أساساً أمه كانت تقزني قز في المناسبات :rotaeye:
المهم من ذاك الوقت للحين وهو من حاجة لحاجة اول شي توفى أغلى صاحب عنده في حادث سيارة بعدها ب اسبوعين توفت جدته .. و الله يستر من الجاي :frown::frown::frown::frown::frown:
انا محتاااارة هو حسد والله حظ أسود !!
والله انا اللي ما عمري رفعت عيني بعيون غريب ، ولا عندي وقت للحركات البايخة اللي يسوونها بعض البنات الله يهديهم و أساساً مستحيل أسويها مستحيييل بنات أنا والله يشهد على كلامي بنت ملتزمة ، و أهلي معروفين في البلد بأخلاقهم و ما احب ازعل احد و الله معروفة بطيبة قلبي وتواضعي........ ليش يصير معي كل هذا ؟؟ :icon8:

أنا جداً جداً تعبانة ادعوا لي الله يفرج همي و يسعدني الله يوفقكم