السلام عليكم ورحمة الله وبركاته
اخواتي بنات عالم حواء سجلت في المنتدى بس عشان ابغى مشورتكم ورايكم في موضوعي
لان دائم اقرأ ردودكم على بعض مشكلات البنات و كلامكن الي ثلج الصدور
مشكلتي هي ان زواج اختي الي اصغر مني ب شهر 8 الله يوفقها ويسعدها
وانا خايفة من كلام الناس لان طولت فتره خطبت اختي وكل من شافني ياالله عقبالك
اللي عطى اختك يعطيك
ان شاء الله ماتمر هالسنة غير نفرح لك
والهمس بين بعض ولا اذا شلت طفل ولعبته عقبال مانشوفك تلعبن ورعانك
المشكلة انه لو صدق بيدعلي كانت كل وحدة دعت لي في قلبها مو بصوت عالي والكل يسمع
ولا بنظره كانها شماته من جد ساعات اعصب على اختي واكرها لانها هي لما وافقت تزوج حطتني بالمواقف هذا
لان عمر ما احد انتبه لي ولعمري ولحالي لكن بعد اختي ما وافقت على الزواج صار الكل ينتبه لحالي
مع ان والله العظيم اني فرحت لها من كل قلبي واصريت انها توافق وماكان في قلبي شيء لانه نصيب بس
كلام النااااااااس يعور القلب ويطلعني عن طوري
الحين يوم زواج اختي راح اشوف الوان واشكال من الناس
اذا سمعت مثل هالكلام كيف ارد عليهم ؟؟؟
واخاف اذا رقصت يقولون عني بتعرض نفسها واذا جلست بيقولون حزنانه على حالها
هالحين انا ايش اسوي والله اني محتارة ما اقدر اقول الكلام لاختي ولامي اخاف يحسبوني غيره ولاشيء ؟؟؟
وانا اكبر وحده ماعندي خواتي اكبر مني اقدر افضفض لهم والصديقات بالهزمن ما احد يثق فيهن
غير شايله بقلبي وساكته
تكفون انتم مثل خواتي ساعدوني كيف اتجاوز واعدي هاليوم على خير ؟؟؟
فداء 1990 @fdaaa_1990
عضوة جديدة
يلزم عليك تسجيل الدخول أولًا لكتابة تعليق.
GooGo110
•
مرحبا اختي دخلت عشان ارد عليك أولا الزواج قسمه ونصيب وان لك نصيب بتاخذينه واختك مالها دخل يوم تقولين هي السبب هي جاها نصيب حرام تضيعه حطي نفسك مكانها ترضين ترفضين نصيبك عشان اختك الكبيره ماتزوجت كلام الناس معروف مايخلون أحد بحاله حتى اللي بقبرهم ماخلوهم وردي عليهم قولي توني ومافكر بالزواج اوقولي ماجا نصيب الزين للحين مثل مايقولون بصوت عالي علي صوتك قولي جوني كثير بس رفضت مالقيت اللي يعجبني اويناسبني ابي مواصفات معينه وانصحك تكشخي والبسي أحلى فستان واحلى مكياج تسريحه تزيين مررره وارقصي وماعليك من أحد يمكن تشوفك وحده تعجب فيك وتخطبك لولدها أكثر البنات ينخطبون بالعروس الله يوفقك ويرزقك النصيب الزين والزوج الصالح عاجلا غير أجل ومايجي العيد إلا وأنتي مملكه على أحسن رجال خلق ومحترم واوصيك بالاستغفار وقيام الليل وربي يرزقك ادري طولت عليك واعذريني أن كلامي فيه غلط بس حبيت أنصحك مثل اختي وأكثر وبالتوووفيق .... وعذرا طووولت مره 😆😆
ياحبيبتي لاتصيرين حساسه انبسطي وماعليكي من احد ياشيخه بعض الناس كذا يحبوا يحزنوا الواحد على نفسه ويحسسوه بالنقص انا من اول شهر من زواجي بعض الحريم مايواصلوني الا عشان يعرفون اذا حملت او لا ونفس الشي كل من شافني قام دعى بصوت عالي والله يعطي كل وحده على قد نيتها لان فعلا بعضهم كذا على نياتهم وانتي انبسطي حبيبتي بفرح اختك كثير صار عندنا بالعيله الصغيره قبل الكبيره وماشاءالله تلاقي الكبيره تجنن وواثقه من نفسها وراسها مرفوع كله نصيب وتقريبا كل قريباتي اللي تزوجوا اخواتهم اللي اصغر ماشاءالله تزوجوا زيجات حلوه اقصد الاكبر هم اللي تزوجوا زيجات حلوه ولو تجربين الزواج ياعسل راح تضحكين على نفسك انك ضيعي وتحسرتي على عمرك عمتي كذا تزوجت اللي اصغر منها وبعد فترره تزوجت عمتي الكبيره ماشاءالله واحد طييب ويموت عليها خلاها ملكه تبارك الرحمن بالمقابل عمتي الصغيره زوجها مره متحكم فيها وطامس شخصيتها وتحسيها تغييرت ياقلبي عمتي الكبيره كانت انسانه ايجابيه وتحب الحياااه وتكره الحزن والافكار السلبيه تحب تصنع اجواء فرفشه افتكر وقتها كانت تختم القران وكانت تدعي طول الوقت ومايأست ماشاءالله وعدت الثلاثين لكن ربي عوضها ماشاءالله بزوج ووظيفه واطفال ماشاءالله
abraar@
•
والله اذا بتطاوعين كلام الناس بتتعبين ...وبعظين ياقلبي ليش تعصبين على أختك هذا نصيبها وجاها حرام تحطين حرتك فيها هي مالها ذنب..مثل ماربي رزقها ان شاءالله ..ربي يرزقك...وفرحي بزواح اختك ورقصي وباركي لها ...لاتخلين كلام الناس يدخل الغيره والحسد لأختك ...أختك الله يهنيها.. وانتي راح يجي نصيبك...بس طنشي ملام الناس تعيشين بسلام
abraar@
•
وبعظين يعني..بعدين
..بزواح يعني. .بزواج
..ملام يعني...كلام..
والله يعين على لخبطة الكيبورد اكتب بجوالي
..بزواح يعني. .بزواج
..ملام يعني...كلام..
والله يعين على لخبطة الكيبورد اكتب بجوالي
الصفحة الأخيرة
بس بعطيك نصيحه ذهبية
الاستغفار الاستغفار الاستغفار والله انه سحر من لا سحر له
الاستغفار يفتح الاقفال ويبدل الحال والله سبحانه يعطي الذاكرين اكثر من مما يعطي السائلين
اكثري استغفار ليل ونهار ولا تشيلي هم شي بااذن الله كل تاخيره بحياتنا فيها خيره لنا