حاله غريبه من تعرف مثلها.....ادخلوا بسسرررعه

السلام عليكم يابنات والشهر عليكم مبارك ،،،والله يجعلنا من صوامه وقوامه ومن عتقائه من النار..
بادخل بالموضوع على طول ،،،اول شي انا كتبته هنا لانه اكثر قسم يدخلونه وبعدين يهم كل ام عندها بنات بسن المراهقه تنتبهلهم وتحصنهم بالاذكار ،،،،،وياليت ماينقل ولكم الاجر والثواب ان شاءلله....
يابنات هذولا جيراني عندهم بنت تاخذ العقل جمال واخلاق وشطاره ماشاءلله تبارك الله،،،وهذي البنت صغيره توها بثالث متوسط جتها العام الماضي حاله غريبه صارت تضيع وتفقد عقلها لمدة اسبوعين او عشر ايام...تصير زي المجنونه ويتغير حتي شكلها ،،وتتصرف تصرفات غريبه
ماخلوا اهلها مكان ماودوها ودوها مشايخ وحريم ودكاتره وماستفادت شي واذا خلصت المده رجعت حالتها الطبيعيه ولا كأن فيها شي...
وما تدري وش صار خلال هالمده الي يجيها هذا المرض ،،،
ومن اسبوع تقريبا رجعت لها الحاله والي يضيق الصدر انها هالمره حاولت تقتل نفسها والله يبنات ان امها حالتها تصعب على الكافر،،،
الي ابيه منكم الدعاء لها في هذا الشهر الفضيل ان الله يشفيها عاجلا غير آجل ،،،امانه يبنات تدعون لها من قلب تخيلي بنتك او اختك بوضعها والله انها كانت شمعة البيت وماليه البيت ضحك وفرفشه والان ماتتخيلون حالة اهلها بهم ونكد الله يفرجها عليهم....
والي يابنات تعرف احد مرت عليه هالحاله تعلمني ووش تقترحون يسوون ووين يعالجونها..