حاله نفسيه

وشرايكم عندي ولد فيه حاله نفسيه عنيد الي براسه يسويه غصب طيب مايخاف مني ابد حاد جدا كسلان في المدرسه مافيه اسلوب ماسويته معه يحرجني مع الناس كثير يروح عند جدته وسب فيني يدق من جواله ويقول امي بتكلمكم وانا ما ادري وش الموضوع يضرب عيال الناس وكلن يزعل مني ياخذ مني اغراضي وانا ما ادري اذا كان طالع وكلمته يسكر الجوال بوجهي اغلب الخلافات الي مع الناس بسببه اختي زعلانه مني بسببه اذاكان بيجي عند خواله يسالون البزران بيجي ماراح نروح لخوالنا يفرحون الكبار عشان مايصير مشاكل ابوه مايحبه ابد يقول انا مبتلى باهالولد يطقه طق يوطى برجله على خده ويفركها با الارض من مشاكله دائما مورطني احس صرت مهبوله اخبي كثير عن ابوه ابوه عصبي جدا وفيه ناس يقولون امه توصيه يسوي ها الحركات عشان يقهرنا جبت ازعل ما كلمه يقول احسن عشان ما اسمع صوتك اختي الثانيه اخذته معها مشوار تقول جلس با الشارع وعيا يتحرك وفسخ نعاله ورماهن وكل شوي تكلمني تقول وش اسوي فيه مو راضي يتحرك واكلمه ويسكر لجوال يروح الوقت نسيت اقولكم هو عمره احدعش عمته تقول تبن بوجهه هو وامه ولا كاني موجوده :44: الولد مدلعينه لو تشوفون وش اسوي فيه انا وابوه قلتو مو ولدكم بس ما فيه فايده الي عنده حل اودعوه لعل فيكم مستجابه الدعوه