صدقتي ما فيه مثل راعية البيت في الاخلاص :27:

السلام عليكم ورحمة الله وبركاته

اشكر لك موضوعك يا اختي زمرده3000 قسما بالله توني ادخل على المنتدى واول موضوع قراته هو موضوعك وانا كنت داخله ابي اكتب موضوع نفس موضوعك بس سبقتني عزيزتي فانا سارد على موضوعك عما حصل معي واشكرك ثانيه على بداية الموضوع الذي شجعتني اكتب فيه عزيزاتي حوائيات معلش نسيت اسلم عليكم صدقوني مقهورررررره من شغالتي وطالعه روحي:mad:لابعد حد تصدقون انها طويلة لسان الله يبعد شرها عني وعن اطفالي شغالتي فيتناميه عقدها ثلاث سنين الحين صارلها عندي سنه وثلاث اشهر خلال جلوسها عندي مريت بحالات كثيره استحملتها وكل ما اقول لابو الشباب سفرها يقول يمكن تنصلح سايسيها وانا على الموال من يومين على فكره شغالتي دلوعه ومغروره مره ناس قالولها حلوه حست بنفسها ملكة الكون والا هي زي الفلبينيات خشم افطس ما ادري على ايه الغرور المهم طولت لسانها علي امس وقلت لزوجي ولا دقيقه تقعد عندي سفرها قال طيب شغل البيت قلت انا اشتغله ولا العله تظل بوجهي خلني اقوم مرتاحه وانام مرتاحه ولما شفت موضوع زمرده3000 تشجعت اكثر بتسفيرها لانها مالها امان وهي ما تبي تسافر بس خايفه تسوي لي ولعيالي قبل ما تسافر شي نصيحتكم يابنات وش اسوي والترتيبات اللي اسويها عشان تسافر ما تكون مسويه بلوى او سحر لنا لاني ما ادري وش تفكيرهم بالانتقام وشكرا لكم[/quote


شوفي يا قلبي على قولت زوجك سايسيها علشان تحللين فلوسكم واذا قفلت معك مره سفريها الله يغنيك بصحتك عنها


يا قلبي ما عليك من الي يحطمونك دخلي كلامهم من اذن وطلعيه من الاذن الثانيه والله ان امي هي اول المحطمين وتقول جيبي شغاله ما بتقدرين وووووو وانا خلالالالالالاص تبت يارب تغنيني عنهم وترى لو فكرتي فيها بالعقل والله انهم ما ينظفون زين وان كل تنظيفهم سطحي وقاعده واكله وشاربه ووجودها في البيت اثقل من الجبل وتخافين على زوجك وعيالك واخوانك ووووووكمان لو فكرتي فيها انتي انعم الله عليك بالصحه خلاص استغلي صحتك وقومي في بيتك وحطي في بالك ان الشغل ما راح يخلص ابداً بس انتي سوي الي تقدرين عليه والباقي خليه ترى ما بتموتين واهم شي انك في اليوم تسوين شغله بسيطه لو اي شي وانصحك بالغساله الاوتوماتيكيه والنشافه الي على طول تطلعين الملابس وعلى طول عالدولاب واشتري لك قفازات علشان ما تنعدم ايديك من الغسيل وحاولي تقفلين منافذ الغبار والشبابيك افتحيها فقط اول ما تصحين من النوم لمدة 5دقايق وسكريها ووقت الطبخ كمان افتحيها والبيت مثلاً اكنسيه بالمكنسه الكهربائيه كل 5او6ايام واليوم الثاني امسحيه بمطهر ومنشفه وامسحي الطاولات ووو والحمامات خلي لها يوم وحاولي تعودين عيالك على عدم الحوسه طبعاً بدون ضرب ولاتهزي بس بالتشجيع والاستعطاف ولاحظي اختي ان الغرب والاجانب ماعندهم خدم وفوق هذا وضائف وكرف وماشين من احسن ما يكون والله اني اشعر بالخجل من حالنا بس ناكل ونرقد يعني عاله على المجتمع ما منا اي فايده حتى عيالنا اذا طفشنا منهم رميناهم عالشغاله وهذا الي عندي يا عسل :27:

واياك:27:


اللهم امين ومن يقول يارب :27:


ليش يا قلبي فيكم الخير والبركه بس استعينوا برب العالمين :27:

شوفي ردي للاخت فتو اهم شي انك ما تنامين الا والبيت مرتب والمطبخ نظيف علشان ما تقومين من النوم ويجيك احباط وما عليك اول اسبوع بتتعبين وبعدين بتزغردين :icon28:


كلام الناس ما راح ينتهي ولاحظي ان اغلبهم يحطمك وهذا من زود الفلاحه فيهم بس انتي خلي اذن من طين واذن من عجين :42:

اهم شيء انك مرتاحه الله يزديك راحه وسعاده :27:

كلامك صحيح وعسى ما تحتاجينها انا من النوع الرافض وجودهم الله لايبارك فيهم ولايحوجني لهم وعلى القوه ويارب يعينك

ماشاء الله عليك الله يقويك ياااارب


الحين شغالتي باقي لها كثير يمكن سنة والله أتمنى انها مو موجودة ماأخذ راحتي باللبس وعيالي صغااار صاروا يتكلمون مثلها مع انها ماتمسكهم أبدا بس يطفشوا في البيت يروحوا لها تلعبهم ويسولفوا معها وأثرت عليهم وطول وقتي فاضية وطفشانة وكل ماأجي اشتغل شئ أقول أنا أشتغل وهي وش شغلتها يعني صارت حياتنا أكل نوم ونت طفشششششت

أنا عن نفسي أحب تنظيف البيت وقبل ماتجيني شغالتي يوميا البيت يلق لق والله زوجي لما يطلع الدوام يقولي ياحورية والله البيت كأنه فندق خمس نجوم والمطبخ ولا كأنك طبختي فيه مع ان عندي ثلاث أطفال مشاغبين على روس بعض"الله يحفظهم يارب"وبيتي دورين بالمقابل أهملت حقوق زوجي وجلستي مع عيالي أهلي ماعدت أزورهم دايم مشغولة ماعاد اهتميت باللبس والمكياج لزوجي دايم ريجتي كلوركس هذه الشغلات اللي خلتني أجيبها ان شاء الله ربي يعدي السنة على خير لأن زوجي رافض يسفرها يقولي خسرت كثير لين جت وان شاء الله بعد ماتروح ماعاد أقدم وأحاول أقسم وقتي بين تنظيف وترفيه وأجلس مع زوجي وعيالي يكفي انك تنامي قريرة العين وزوجك يتمشى بالبيت والمطبخ ماتخافين منها أدري طولت عليك طفشانة وحبيت أسولف

موضوعك كانك تتكلمي علي ,,انا كنت استغرب من الي يقولو والله لما تروح مرتاحين نفسية ,,اقولها ياشيخه ليه بالعكس ,,لكن جربت وشفت قلت صااادقين وبقووة ,,,الحمد لله راحت شغالتي وارتحت ولا افكر صراحة الي ممكن لو خلفت تجري وري البيبي لما يمشي لان وضع بيتي دايم مفتوح ودرج وعيال سلايف يعني لازم وحدة وراى بيبي ,,لكني والله الحين مرتاحة زي ماقتلي بالظيت اهم شيء تنظم الوقت وتدعي ربي يساعدك :) يسلمووو

قرار سليم