حالي غريب وصعب ساعدوني تكفون او ادعو لي بحال احسن

السلام عليكم

مادري من وين ابتدي بصراحه لان قصتي اطويله نوعا ما

بس راح احاول قد ماقدر اختصر

انا وحده باختصار صار لي فترهـ ماجفت السعادهـ

حياتي تعاسه بتعاسه

من اول مادخلت الثنوي وتخرجت منه الى حد الحين سنه ثانيه جامعه

مشاكل بكل مكان اجوف والقى وكل طعنات من اقرب الناس لي

ربع وحتى اهل وكل شوي انصدم بشي

وحتى في البيت اللي انه عايشه فيه

احس الكل يكرهني بدون اي سبب يذكر مع الاسف

يعني اشكرا يقولون لي في ويهي ويبيون لي انهم يكرهوني

ومن اتعرف على احد

وعلاقتي اتكون احسن مايكون معاهمـ

مااجوف الا علاقتي وياهم مختربه ومتغيرين علي

وبعدين يردون عادي

حدي استغرب من هل الشي

مع انهـ بطبعي اعامل احسن مايكون

واشيل الكل فوق راسي

بس فيني طبع واهو اللي مايعاملني مااعامله اوكي

بس لو ضروني مااضر

والشي الغريب في الجامعه

ناس يطلعون علي اشاعات مالها اول ولا تالي

ولا ادري من وين مصدرها =(

يعني مااجوف الا هجوم ولا ادري شصاير ولا ادري شنو السالفه ولا ادري شنو قصدهمـ

صار لي ثاني كورس على هل الحال

وتالي يطلع انهم لازعم امطلعين اشاعات

عاد من وين مصدرها بالضبط مادري

طبعا انه من هل الاشياء

مب طايقه اكمل في الجامعه ابي اغيرها

بس ابوي مب راضي ومادري شسوي

الشي الثاني انه امخدرهـ

احس ماعندي مخ يفكر مثل اللي امبنجهـ

وكل امفهيه مع ان ماافكر في شي

يعني بالي يكون مافيه شي

كل اللي احسه انه ميته وانا حيه

لدرجه مااتاثر باي شي

مادري لان تعودت ولا شنو

واصيح بدون سبب دموعي كل اربع اربع مع ان ماابينها لاحد

وفوق هاي كل مريضه تقريبا طول السنه

والمرض يكون مده معينه ويروح واكون جني مافيني اي شي

يعني ان اتالم بجسمي جم ساعه وتالي يروح كل شي

حالي والله غريب عجيب مادري شلون اوصفه

وفوق هاي اي خطوبه او اي احد يخطبني لازم يخترب الشي

او مايتمـ

ولازم فتره ماانخطب مشاكل وعفسه وبس يعتفس كل شي ومايتم

يصير كل شي طبيعي


مع ان انه حاليا ماافكر بشي اسمه زواج ولا ابي ارتبط حاليا

اقول بعد مااتخرج يصير خير

وعندي كل شي قسمه ونصيب :)

/ / /

شي غير هل الشي

بيتنا كل ينحط صوب الباب سحور وخرابيط

مع ان انه ما آمن بهاي الشي

وعندي قدره الله فوق كل شي

وانه مااتركـ الصلاه وقراءهـ القران خصوصا

سوره البقرهـ

وانه راضيه بحالي والحزن فيه على فكرهـ

بس ان

سالفه التكرار في حياتي مادري من وين اطلع لها حل

يعني باذكر لكم مثال

يعني مثلا لو طحت لازم اطيح مرتين

او ان صديقتي سوت لي مشكلة واخلص

لازم بعد وحده اتسوي نفس الشي

وبمده اقصيره ان ورا بعض

واحس حياتي شريط ينعاد بشكل مب طبيعي

يعني اللي قاعد يصير وانه الحين في مرحله الجامعه

كل صاير لي من وانه باول ثنوي

بس ان الحين بشكل اكثر وافضع

و


نسيت اذكر لكم بعد لما انه كنت

في فتره الثنوي من كثر ماكنت معفوسه وحالي مب طبيعي

امي راحت الى شيخ وقال لها ان انه فيني عين قويه

ومعاي تابعه ان ينيه قصدهـ

يعني شنو علاج هل الشي؟!

انه طبعا حاولت قد ماقدر اختصر وماذكرت تفاصيل اللي اعانيه وعانيته من مشاكل

لان احس يبي لي صفحات ماتنتهي وانه اتكلم

يمكن كلامي امخربط ومب مفهوم بس مادري شلون اوصف حالي

دعواتكم لي خواتي ان حالي يكون افضل

انه والله مابي سعادهـ ولا ابي فرح

بس ابي اعيش واكون بحالي وبدون مشاكل وعوار راس

انه ادري ان مافيه احد بلا مشاكل ولا هموم

بس انه باختصار تعبت

واكثر شي امتعبني بحياتي كلها التكرار

التكرار


:44: