السلام عليكم ورحمه الله وبركاتة
اللهم صلى على سيدنا محمد وعلى آله وصحبه وسلم
سبحان الله العظيم سبحان الله وبحمده
والله ياأخواتي ادرى إن الشكوى لغير الله مذله بس ودى أفضفض ضايق صدرى
ياحبيباتي أنا مطلقة وعمرى 24 وعندى ولد الله يصلحه ويهديه قولوا آمين والله إن مجنين مطلع الشيب في رأسي وهو عمره سنتين و8 شهور انا إطلقت من يوم عمره 6شهور وصار ابوى الله يحفظه ويخليه هو ابوه وصار يقول لابوي يبه وابوه الله يستر عليه مايجي يشوفه كثير وصار يقول لى يوم يجي ابوه ماما أنا احب ابوي ما أحب بابا آآآه ياقلبي أحس يوم قالها سكين ونغرست في قلبي تعبت من تحمل مسؤلية التربية لحالى والله تعبت وولدى الله يصلحه شقى أخوى علمه الضرب والكلام البذئ وكل ماهاوشته يقول طيب أخوك يقوله وأنا لوبهاوش أمي تزعل وكل ما أحاول اربي ولدى امى تقول والله ماراح تقدرين عليه شوفي كيف يطنشك وإنت بس مدلع ولدك وانا حاطه في قلبي وساكته وأمي صايرة تهاوش ولدى من وراى بالله إيش اسوى ملاحظة أمى تعتبرنى مثل ضرتها والله ماأدرى ليش مع إنى أطيب وحده لها من كل أخواني بس ليش ماأدرى وولدى يوم يضرب أخوى أمى تزعل طيب أنا إيش ذنبي والله حتى الضرب ضربته وحاولت فيه بجميع أساليب العقاب مانفع بالله الاعندها الحل تخلي ولدى يترك الضرب والكلام البذئ والله حتى أخواني صاروا يهاوشنه ويضربونه يانا س بالله وين أروح والله لوبكيفي عشت لحالى ولا ولدى يتبهذل وابوه لاهي عنه جالس يجهز لزوجه في الصيفية يانا س ليش انا إلا اتحمل المسؤلية لحالى ليش ليش والله حتى الدقيقة ماأقدر اترك ولدى لحاله أخاف يسوى شئ وتزعل أمي وتزيد في تحطيمي يالله رحمتك تكفون ألا تعرف استشاري لسلوك الاطفال تقول لي علشان يعلمني كيف اتعامل مع حركته الزايده
قبل ما ننطرد أنا وولدى من البيت وانا عارفه إن كل شئ مقدر ومكتوب من رب العالمين بس إللى عندها حل لاتبخل علي وجزاكم الله خير
بالعكس ياأخواتي انا ماابغى ابوه يأخذه هو روحي ودنيتى كيف استغنى عن ولدي حبيبي الله يصلحه ويهديه ويعني على مغامراته اللي ماتنتهي والله احس انكم رفعتوا من معنوياتي الله يرفع قدر كل وحده ردت على بالدنيا والآخرة ويرزقها الفردوس الأعلى يارب ياكريم

نجوده @ngodh_3
عضوة نشيطة
يلزم عليك تسجيل الدخول أولًا لكتابة تعليق.

الله يعينك حبيبتي ,,
وبالنسبه لولدك تقربي منه مرررا هالفتره هو بمرحله الحين يتعلم ويطبق حتى الكلام اللي يسمعه ..
وبالهداوه كل شي ينحل ان شاءالله ,,
وبالنسبه لاأمك صدقيني مو سالفه انها تعاملك كانك ضرتها !!
بس اكيد حرمه كبيره وماتبي تشوف ازعاجات عيال وصراخهم !
تعرفين الحريم الكبار
وحآولي تبعدين اخوك عن ولدك اذ1 مابينهم الا الهواش
واشغلي ولدك بااي شي تحسيه يحبه
والله يكون بالعوون حبي
:26:
وبالنسبه لولدك تقربي منه مرررا هالفتره هو بمرحله الحين يتعلم ويطبق حتى الكلام اللي يسمعه ..
وبالهداوه كل شي ينحل ان شاءالله ,,
وبالنسبه لاأمك صدقيني مو سالفه انها تعاملك كانك ضرتها !!
بس اكيد حرمه كبيره وماتبي تشوف ازعاجات عيال وصراخهم !
تعرفين الحريم الكبار
وحآولي تبعدين اخوك عن ولدك اذ1 مابينهم الا الهواش
واشغلي ولدك بااي شي تحسيه يحبه
والله يكون بالعوون حبي
:26:



الصفحة الأخيرة
طيب اسمعي ولدك دائما أغرسي فيه هالكلمات انت بطل أنت شجاع أنت مؤدب أنت شاطر أنا أحبك أنت ماتعبتني يوم ولدتك والخ
كل ماقلتيله كذا ولدك بيبدأ يثبتها بعقله انه مؤدي وشاطر وماعاد يقبل يقول كلام وسخ ورجاء خاص لاترفعين يدك عليه صدقيني
الضرب ماهو حل بالعكس مشكلة وتحتاج حل تدرين وش أثار الضرب مستقبلا أقلها طفلك بيكون عصبي الرحمه منزوعه من
قلبه إلا أن يشاء الله وبيصير يكرهك ويدورعلى اللي يعوضه عن الحب والحنان والرعاية سواء هو صغير او كبير قلبي دائما ضميه
وجلسية بحجرك ولاعبية وحفزيه ولو بكاء خلية يبكي لاتخافين يبكي وبيتعب بعدين يدري ان البكاء ماراح يأثر فيك من حيث تلبية طلباته
او حتى انك تشيليه وبالنسبة لامك أكسبيها قوليها ياليت يايمه اجي نص ظفرك قربي منها خليها صديقتك ساعديها اكسبي حيها واحترامها
واتمنى اني افدتك غلاي موووفقة