حالي مع الرقيه

السلام عليكم
بدأ مرضي قبل سنوات في اخر الليل كان زي النمل يمشي من اطراف رجولي ثم لراسي وبعدها صرت ارجف ثم دخلت بدوامه من الضيقه والكتمه الشديده والام بالجسم والصداع والدوخه تصل لصعوبه الرؤيه وانعدام التوازن وتشتد الاعراض مع المغرب للصباح بعد اشهر زرت طبيب باطنيه بعد الكشف صار معي تقرحات والتهابات بالجهاز الهضمي واعطاني ادويه من بينها علاج نفسي والحمدلله بدأت ارتاح ومازال فيني رهاب وضيقه وخوف من دون سبب بعد سنه قررت ارقي نفسي بالبقره وزيت الزيتون والماء وارتحت كثير وللاسف نسيت يوم وجتني حراره شديده بدأت من الراس استمرت ساعات متواصله وقريت البقره وشربت الماء اختفت وتركت الرقيه وتعبت بعدها تعب قوي فقد شهيه واكتئاب قووي وصرت بس اقرا الفاتحه والمعوذات لين خفت الاعراض وتركتها
قبل اشهر زادت اعراضي وحتى صرت اوسوس بوضوئي وبصلاتي ودايم احس بشي يمشي بظهري او رجلي اذا جيت اتوضى واحس بزي النبض القوي في فخذي ويجي بيدي قررت اتوكل على ربي وارجع اقرا البقره واستمريت شهر كامل ونفس الشي ارتحت كثير ثم بدت الاعراض خدره بيديني وكتوفي وراسي ومرات احس بزي السواره ضاغطه على يدي اليسار واليوم حسيت بشعر بفمي ثم نزل للحلق والله اني اكتب وانا بضيقه الله يفرج لي تكفون لاتقولون استخدمي زيت مقري فيه كارهته لابعد درجه واخاف منه
دايم اقنع نفسي هذي ممكن تكون توهمات وانها مو حقيقه ولازم اتوكل على ربي وماالتفت لهالاشياء بس تعبت والله كل شي تغير بحياتي اخاف من كل شي حياتي صارت كانها متوقفه لااقدر احمل ولااعرف انام زين ولااتهنى بحياتي مع زوجي ابد وكارهته بقوه وكنت ابي الانفصال بس الكل رفض وجربت اروح لراقي و من بدا واحس بعيني اليسار ترمش لحالها وبسررررررعه خفت وسكت وماقلتله وقلت بنفسي لو كان هالشي صدق كان عرف بنفسه 😔
التعب مو فيني وبس بكذا شخص بالعاائله ومن سنوات وانا اشوف احلام مزعجه واتجاهلها
ادري كثرت كلام بس غصب عني مااقدر افضفض لاحد من اهلي اللي فيهم كافيهم😭
تكفون ساعدوني وش اسوي الله يفرج لي ولكم ويكشف ضري وضركم ياااااارب