<H1>سلام الله ..
قالوا مريض وقلت فيني ولا فيه
ياعزة الله كيف ذاك المرض جاه
كيف الألم يدمي فواده ويدميه
ليت الألم ياناس شخص آترجاه
لاجله بشيل العوق عنّه واراعيه
واصير من بد الخلايق أنا دواه
لانه عضيد الروح والقلب يغليه
ما ودي انه لحظة(ن) يشكي الآه
لو كان بيدي في عيوني أداريه
واتشيله اجفوني وتغمض وتنساه
ياذا المرض عجل دخيلك تعديه
خل التعب لا يهد حيله ويصلاه
ماجور يامن بالنواظر نساويه
يالله عسى من الشر يسلم محياه
أسأل الله العظيم أن يشفي الوالد شفاء لايغادره سقما
كنت في زياره للوالد الله يحفظه ويحميه بالرياض ..الوالد مصاب بالسرطان الله يشفيه ويشفي جميع المسلمين ..كان تعبان مره والمناعه عنده صفر ..جلست عند أهلي 10 أيام وجاء وقت السفر تمنيت أحضن الغالي وأودعه بس للأسف حال المرض بيني وبينه وماقدرت حتى أسلم عليه ..بس طليت من ورى الباب وودعته ..والله حسيت بأن روحي بتطلع من مكانها عشان تحضن الغالي لولا الظروف اللي هو فيها ..
وسافرت وأنا ماسلمت عالغالي ولاحتى حبيت على راسه ..
</H1>
ليت الوجع بعروق
قلبي ولا فيك
وليت التعب غلطان
ساهي ولا جاك
لو الشفا بضلوع
صدري لداويك
واطحن جميع ضلوع
صدري فداياك
"دعواتكم أن الله يشفي أبوي الغالي ويطول بعمره ويحميه من كل شر"
الله من شر
المقادير يحميك
والله يحفظك
يابوي ويرعاك

ام شبوطي @am_shboty
عضوة نشيطة
يلزم عليك تسجيل الدخول أولًا لكتابة تعليق.

صمت الألم999
•
الله يشفيه ويخليه لكم والله اقشعر جسمي يوم قريت كلماتك المعبره يارب تشفيه ةتخليه لعيونن ترجيه يارب


الله يشفيه
ويرجع لكم سالم معافى
وتسلمين عليه وتضمينه
انصحك بشئ هذا المرض
الله يعافينا يخف كثييييييييييير مع الرقيه
كثفوها عليه
الله يحفظه لكم
ويرجع لكم سالم معافى
وتسلمين عليه وتضمينه
انصحك بشئ هذا المرض
الله يعافينا يخف كثييييييييييير مع الرقيه
كثفوها عليه
الله يحفظه لكم


الصفحة الأخيرة