حال عيالي مش عاجبني بعد ما فتحت المدارس

السلام عليكم و رحمة الله و بركاته

كيفكن و كيف اولادكم ؟

من اسبوعين بدينا دراسه و العيال تغير حالهم .. صاروا خاملين و كسالى و بالزور يتحركون و مافيهم شده على الدراسه .. انا ما ادري نظامي معاهم غلط او ايش

روتينا كالتالي .. طبعا احطلهم اكل صحي للمدرسه ، و نظامهم الغذائي و لله الحمد مافي احسن منه .. يرجعون من المدرس اغديهم .. يشوفون التلفزيون و يحلون الواجبات -الحفظ اخليه لعقب صلاة العصر- .. احيانا ينامون وهم يطالعون التلفزيون .. و اذا قومتهم من نومتهم قدام التلفزيون تنكدوا طول اليوم و يرضون يحفظون بعدها .. غيرت النظام و صرت انيمهم بعد الغدا ساعه او ساعه و نص .. ما شاء الله ولدي طلعت عليه بداية كروشه صغيره ، و بالليل بالعافيه ينامون

و الله تعبانه نفسيا مش عارفه شو اسوي معهم .. انتو شو تسوون ؟ .. مع العلم هاي اول سنه نبدا دراسه جد و مذاكره و حفظ

انتو مثلي ؟