حال يُرثى عليه 💔.

السلام عليكم ورحمة الله وبركاته
كيفكم..
بصراحه أنـا سجلت بالمنتدى ذا بس عشان أفضفض😔😔.
لان تقفلت علي كل الطرق ماقدر إني أحكي لأحد مليت وانا أشكي بيني وبين نفسي وعايشه حياه كلها حيره أبكي يومياً ومحد عارف إني ابكي ومتعذبه وما أبين لاحد ..
أنا متزوجه لـي ٦ أشهر عمري ٢٠ سنه وبعد شهرين بدخل ٢١ وزوجي ٢٧ سنه بصراحه عيشني بوضع أكبر من عمري بداية زواجنا بشهر العسل كنت ما أنطر له الا بكل حب وكل احترام وكنت اشوف مافي رجال مثله بالدنيا وكنت ناويه بحياتي إني خلاص افتح صفحه جديده وناويه له كل خير لاني انسانه قنوعه وعلى نيتي وماقد ضريت احد بحياتي ومتنازله دايماً ، المهم يوم من الايام ي بنات كنا نسولف انا وياه فجاءه رما كلام من بعيد لخبط كياني من الخوف صرت احس اني بدوخ زوجي يقولي انا عارف ماضيك بس خليني ساترك وصرت اساله اي ماضي واي كلام قام يقولي وحده علمتني كانت تمشي معك وعلمتني بكل خباياك طبعا انا سكت بس فاجئني انو بدأ يحقق معي وعيشني أجواء ماقدر أنساها الى اليوم 💔😭، قفل علي بغرفه واثره مسوي لي تسجيل بجواله وانا مدري وقاعد يسجلني ويقولي اعترفي فلانه علمتني وانا ميته خوف ومن الخوف علمت بكل شيء وقلت له بس انا من اول ماتزوجتك وانا خلاص مو ناويه الا كل طيب مستحيل اغلط انا صغيره وماكنت منتبه لنفسي وانجريت ( كان في صديقه لي كانت سيئه وبنت ماعندها خوف من ربها جرتني معاها وضحكت علي بالحفلات المختلطه وغلط وتبت من غلطي وصفيت النيه مع ربي نويت اني ارجع الانسانه اللي دايماً كانت تخاف من ربها طبعاً خرجت من هذا الطريق وانا سليمه وبنت وكنت منتبهه لنفسي الحمدالله ) المهم قلت بدفن الماضي وبعيش وانصدمت ماتوقعت اني ممكن اعيش زي كذا حياه فيها اهانات وقالي لو اعترفتي ماحطلقك وخفت من الفضايح واعترفت ووعدني يبقا بينه وبيني ومايعلم مخلوق وحلف على كتاب ربي وكان كل فتره يقعد يسالني ويبهذلني ويضيف الشباب فالسناب ويكلمهم على اساس انها انا عشان يستدرج ويعرف كل شيء عن ماضيه وصار يتهمني يقىل عني مرقعه وانو ملعوب فيني من ورا وقدام وانا الله يشهد علي اني بجيته بنت وماغلطت ابداً بالحاجات ذي وتبت وخلاص قلت ابغا اعيش بالحلال وراحه المهم يوم من الايام ناديت اهلي وكنت خايفه يعلم وماعلم وبعدين جو اهلي مره ثانيه وعلم اخويه الكبير من ورايه واهلي وهما وايحين اخويه داخ وماكنت عارفه ايش الموضوع ماتوقعت انه علم فضحني من اهلي علم بكل ماضيه واهلي غضبو علي وكرهوني بسببه وبعدين جيت لاهلي زياره واشتكيت لهم كيف يعاملني وقالو لي احنا مسامحينك بس يكفي اهانات تطلقي مع ذالك رفضت اطلق لان عندي امل حالي يتغير وانا احب زوجي بس يجرحني ي بنات معنه دايماً على لسانه كلام حلو لي بس معيشني فحرمان ويفهمني غلط وخلاني ٣ اشهر بدون جوال بعدين عطاني جوال وكل مايغلط ف حقي ويقذفني اسامحه ويقولي انتي قلبك طيب ومو راضي يروح يدور له وظيفه محسس اهله ومحسس الكل انه شاك فيني وتفاجئت بشيء جديد انو اهله يدرون ومكذب علي يقول ماعلم احد وانا متاكده انهم عارفين ومالي وجه منهم وماعاد قابلتهم واذا خرجنا نتمشى يشوفني اتلفت فالناس يخاصم يقول عيني لرجال😭، ويحلفني ع المصحف بكل صغيره وكبيره اشوف اختي وقرايبي المتزوجات عادي ازواجهم مايسون كذا الا هوا خانقني بكل شيء ي بنات حتى اللي بالجوال الرجال المشاهير يقول لاتتفرجين فيهم ليش محسسني انو انا وصخه وبنظر بوصاخه جارحني بكل شيء وجرح اهلي وصغرهم لما قعد مع اخويه قالو اختك كانت تسكر وكانت وكانت وكانت تحب واحد وملعوب فيها ولما اساله عن الكلام ذا يقول كذب ماقلت له كذا
وصرت خلاص اساير مابغا ادقق واصدقه لانه يقولي احيك وشاريك وماحبيعك وانا متجاوز عنك وانا وانا وانا احبه وابغاه وقاعده اسعى للتغير والكل يقولي تطلقي اهانك وتكلم بشرفك وفضح فيك قاعده انجرح من الكلام ذا بس خلاص سلمت امري لله ومابغا اطلق لاني شايفه في تحسن بس كل ماتذكر كيف كان يقذفني ويهيني ويفضل عني اخواته وطليقته الاولى ويشرفهم عني وانو علم اهلي اموت الف مره كنت اتمنى انو تصرف بعقل ولا طلقني وسترني ولا دمرني كذا طبعاً كان متزوج وطلق وانا ماقد تزوجت وهوا يصير صاحب اخويه ، اكتب وابكي احس ميته قهر بس ماني قادره اتكلم لاحد ولا ابغا اتكلم ولا ابغا اواجهه بهذا كله لاني عارفه لو قلت له كذا بيغلطني وبيحط نفسه صح او مايفهمني ويفكر فيني افكار غلط ويحسب انو مخططه عليه انا واهلي ولا ناويه انتقم منه مايصدقني ابداً واخواته لما اجلس معاهم احس محد معطيني وجهه احسهم عارفين وفعلاً زي ماتوقعت الكل يقولي كيف تصبريين كيف تصبرين ماتوقعناك كذا لهدرجه صبوره انتي انسانه غريبه وانا والله مابغا اخرب حياتي بس احس بجرح كل مره يقولي لما احضنك اتخيل غيري كيف يلمسك 💔💔😔.
قعد يبحث بماضيه وماترك احد لا قاله علمني عنها هذا بنظركم يجوز؟؟.
احس بظلم ولو اني غلطت لانه جرحني كثير بعدين كلامه لما يسب يدوخ ي بنات😭😭.
والحين ابغا اصلح بينه وبين اهلي واهلي يقولون مجروحين منه مايبغونه ، انا وياه ٦ اشهر بينا بس كلها مشاكل امي كل ماقابلتها بكت تقولي اخذك مني وانتي زي الورده شوفي شسوا فيك فضح بك قلتنا وقتلك 😭😭😭😭.
حالياً الحمدالله احسه تحسن وقرر يتوظف وخفت المشاكل وبصراحه يحبني حب مو طبيعي عشان كذا مابغا ابيعه لاني انا كمان متعلقه فيه احس ماتخيل حياتي بدونه معنه جرحني بس خلاص مسامحه ومن قلبي وملتمسه له عذر بكل شيء انا بس اتمنى انو يثق فيني يعطيني راحتي بكل شيء عشان يفهمني يعني حتى البرامج يقولي لاتحملين الانستقرام يحسبني بقعد اتفرج فالماضي ولاتحملين تويتر كلو غزل بس ماعليه المهم نعيش مرتاحين):
انا صافيه عليه بس اهلي مجروحين كيف اصلح بينه وبينهم وخلاص عشان ننتهي ونعيش تعبت 💔.