السلام عليكم ورحمة الله وبركاته
اولاً انا عضوه جديده معكم بالمنتدى وأتمنى تقبلوني بينكم
أنا عندي أخت عمرها 28 سنه موظفه ومن عائلة محترمه ومعروفه جداً
المشكله أنه تقدم لها خطااااب كثييييير من بلدنا ومن مناطق آخرى مجاوره ونفرح في البدايه ثم نحزن لأن بصراحه مافيه أحد من اللي تقدموا لها يستاهلها وصدقوني لما أقول لكم أني ما ابالغ
مره خطبها وآحد سمعته مو شي بالمره واللي بعده مدمن واللي بعدو راعي بنات لا وواحد منهم نصاب وانخدعنا فيه كان خوش رجال والكل يمدح فيه وقبل لا نعطي الموافقه سمعنا من شخص مقرب منه ومن عايلته انه
خاطب وحده قريبته و خلص كل فلوسه وخطط انه يخطب اختي عشان تأثث الشقه بالكامل بعدين يتركها :mad:
حراااااام والله حرااااام أهو وغيره مايرضوها على اخواتهم بس يرضونها على بنات الناس
المشكله الثانيه أن فيه مشاكل كبيره في عايلتنا وكلنا متفرقين
مو هنا المشكله لا
المشكله بنت عمي وامها
أمها تكون خالة امي وفي نفس الوقت زوجة عمي طول الوقت تتكلم عنا بالشين وتقول لكل معارفنا ان امي ساحره ومسويه لبناتها الـ6 سحر عشان لايتزوجون
ما راح اقول لكم انها كذابه او ادافع عن امي لكن بقول لكم شي واحد بس وهو ان بناتها كلهم تزوجوا ومابقى عندها الا ثنتين يعني لو ان امي فعلاً مسويه سحر كان ماتزوجوا ولا انتوا شرايكم ؟
وياليت علينا احنا بس حتى خالتي وبنات عمامي وبنات خالي كلهم ماتزوجوا ونفس حالة اختي والسبب ان من يوم كنا صغار الكل يقول ان احنا وبنات عمامي وخالتي وبنات خالي احلى من بناتها
كونا احلى من بناتها عملت لنا سحر ربط لكل بنات العايله في البدايه ماصدقت انا عارفه ان السحر موجود بس ابداً ماتخيلت ان اقرب الناس لنا ممكن يأذونا
وتخيلوا صدمتي يوم ابوي يطلع السحر كله طلاسم وكلام مو مفهوم :(
والمصيبه بنت عمي كل ما احد يتكلم فينا تقول عنا كلام عيب ينقال عشان يخطبوا خواتها وكل يوم تطلع علينا إشاعات شكل
حتى امي طول الوقت تحلم فيها انها تمشي وراي انا واختي وتلصق في عباياتنا علك من فمها وامي تقول لنا انتبهوا خربت عباياتكم بس احنا مانسمعها ونكمل مشي وتنقهر امي وتضربها :024: بس ترجع تقوم مره ثانيه تلصق فينا علك
الله ينتقم منها ومن أمها عاجلاً غير آجل عدوان الله وعدوان الرسول (ص)
أنا حامله هم أختي وماودي أنخطب قبلها أبغى أفرح فيها مثل كل البنات اللي يفرحوا لأخواتهم
بنات حلفت عليكم كل وحده تدخل تدعوا لأختي أن الله يوفقها ويرسل لها الزوج الصالح اللي يصونها بحق محمد وآل محمد
الله يحقق أمانيكم بحق هذه الليله المباركه
خادمة الوديعة @khadm_alodyaa
عضوة جديدة
يلزم عليك تسجيل الدخول أولًا لكتابة تعليق.
حبيتي والله مشكلتكم مشكله وهالاقارب ماادري متى يتركون الغيره والحقد والحسد جعلهم البلا ان شالله .. عمومآ انتي اذا جاك نصيبك لاتترددين لو للحظه ولاتفكرين انك تنتظرين اختك لأن اللي كاتبه الله لأختك بيجي .. بس لاتردين احد يجيك وتقعدين بعدين نادمه .. شوفي وانا اختك اكثروا الاستغفار واقروا سورة البقره يوميآ وخلوها شغاله بالبيت طول الوقت لاتطفي .. وادعوا بالثلث الاخير من الليل وتهجدوا ترى الله يستحي ان عبده يدعيه ويرده ( تخيلي عظمة الخالق يستحي من عبده ) وحنا وجهينا بارده سحر وحقد وغيره ونفاق وكره على امور تافهه .. يارب سترك .. المهم قولي لأختك لاترضى بأي احد عشان بس تتزوج ترى فيه حثاله الوحده ياليتها تموت ولاتتزوجهم .. الله يفرج همكم عاجل غير أجل وينصركم على من عاداكم
يا قلبي حلوو خوفك ومشاعرك اتجاه اختك
بس هذا ما يعني انك ترفضين علشان نصيبها باقي ما جاء
ما تدرين يمكن لا تم موضوعك ينفتح لها بااب رزق ونصيبها يجيها !!
ام اذى الاقارب :( الله يهديهم ويصلحهم، انتو عليكم بالاذكار والقرآن والدعاء،
الله يحفظكم وييسر لكم اموركم
بس هذا ما يعني انك ترفضين علشان نصيبها باقي ما جاء
ما تدرين يمكن لا تم موضوعك ينفتح لها بااب رزق ونصيبها يجيها !!
ام اذى الاقارب :( الله يهديهم ويصلحهم، انتو عليكم بالاذكار والقرآن والدعاء،
الله يحفظكم وييسر لكم اموركم
الصفحة الأخيرة
وقولي دايم لو أجتمعت الأنس والجن على أن يضروك والله موكاتب لهم ماحد راح يقدر يضرك ولا حتى لمس شعره فيك وخلي أيمانك بالله قوي وادعيه وأذا على السحر روحوا على شيوخ لا تسكتون وفسروا الحلم حق أمك يمكن يكون له معنى
وناس هذي لا تهمك أرميها ورا عين الشمس واطلعوا لناس أحتكوا فيهم خليهم يعرفوا حقيقتكم
والله يسهل أموركم ويرزقكم بزوج الصالح الي تقر به عيونكم يارب