حامل..والتهاب فطري

السلام عليكم ورحمه الله وبركاته
خواتي في الله ...... انا مشكلتي محرجة نوعا ما .... ومابقى شي ما سوييته لكن ما شفيت منه ( والحمدالله على كل حال)
قلت ألجا لكم بعد ان ضاقت بي الدنيا ... يمكن خبرتكم ومعرفتكم تفيدني بشي

باختصار مفيد :

قبل الحمل بكم شهر جاني ولاول مرة التهاب بالمنطقه الحساسة (عند فتحة الرحم)اعراضة : افرازات بيضاء تنزل على هيئة قطع بيضاء تم تشخيصه على انه التهاب فطري قوي (بعد مالفيت على دكاترة البحرين وآخر شي الاردن عند زيد الكيلاني ) والحمدالله عطاني الدكتور دواء عبارة عن تحاميل+ كريم +غسول .. ورجعت البحرين وانا احس نفسي ولله الحمد احسن .. لكن مع الوقت رجع لي ..وبعدها اكتشفت اني حامل ... وراجعت طبيب بالبحرين .. ووصف لي نفس العلاج واخذته

والحين من تعافيت صار لي اسبوع .... تصدقون امس رجع لي الالتهاب :( وانا بشهري الثالث الحين
رجعت للدكتور ووصف لي نفس العلاج ... وانا مو مرتاحه من العلاج لان ما نفع معاااي .

مليت من كثر الالتهاب اللي يصيبني (الحمدالله على كل حال ) وهو نفسه الالتهاب ما تغير نفس الاعراض ونفس النتيجة عن التحليل لعينه الرحم .


فاللي عندها اي خبرة عن هاذي النوع من الالتهاب تقولي شنو اسوي .. والا اي دكتور اروح له ..

ساعدوني الله لا يهينكم انا بحاجة لكل رأي بهالموضوع ... صار لي فتره وانا افكر اكتب لكم بس اخاف ما تجيني ردود


لكن الحين بعد ما تعبت من الدكاترة والمستشفيات ... خصوصا وانا حامل وتعبانه على طول ..

قلت ألجا لكم (من بعد رب العالمين) يمكن القى جواب


ساعدوني ( اللهم اغفر لكل من ترد علي بطيب نيتها حسنات لا تحصى يا ارحم الراحمين ووسع لها رزقها وثبتها على طاعتك يا كريم وارحمها واغفر لها انك السميع العليم)

انا في انتظاركم